Құрылтайшы жəне шығарушы: «Қазақ газеттерi» Жауапкершiлiгi шектеулi серiктестiгi Редакторлар кеңесiнiң

10

Кім болам?

Алматы қаласының өнерлі 

оқушыларынан құралған «Мұрагер» 

жəне «Атамұра» оркестрлеріндегі дом-

бырашылар ішіндегі жеке күй тарту 

бойынша үлкен бəсекелерде биіктен 

көрініп жүрген Сұлтанбек Тəжіғалиев 

Б.Атыханұлы атындағы №36 мектеп-

гимназиясының 7-сынып оқушысы.

Соңғы жылдары Сұлтанбек қол 

жеткізген жетістіктерінің өзі бір төбе. Түркия 

мемлекетінде өткен «Аrt Alimpia-2012» 

жасөспірімдер байқауында жеке аспап-

та ойнау номинациясы бойынша  І орын-

ды жеңіп алды. Гонгонг, Макао қаласында 

өткен халықаралық жасөспірімдер  өнер 

байқауында  аспапта ойнау номинация-

сы бойынша бас жүлдені жəне Алтын ку-

бокты жеңіп алып, Қазақстанның мерейін 

асқақтатты  (2013ж). Республикалық  «Тай 

жарыс» Радио-фестивалінде аспапта орын-

дау бойынша І орынды иеленді (Бурабай 

2013ж).

–Осындай шəкіртімді мақтан етемін, 

– дейді Ш.Смаханұлы атындағы №62 

гимназияның музыка пəнінің мұғалімі, 

Алмалы аудандағы №2 Оқушылар үйі 

домбыра үйірмесінің жетекшісі Тасқын 

Əлімбайұлы. 

Орайы келгенде айта кетейік, 

Қытайдың Құлжа қаласында туып өсіп, 

2007 жылы ғана тарихи Отанына оралған 

Тасқынның қазақтың ұлттық аспабын та-

Кім болам?

ӨСЕР 

ЕЛДІҢ 

БАЛАСЫ 

ОСЫНДАЙ

11

лапты жасқа меңгертудегі əдіс-тəсілдері өз 

алдына бір бөлек əңгіме. 

Сұлтанбек бес қыздың артынан ер-

ген жалғыз ұл. Солай екен деп үй-іші оны 

орынсыз өбектеп, аса еркелетіп жіберген 

емес. Əкесі Серік өмір бойы заң қызметінде 

істегендіктен де болар, отбасындағы 

темірдей тəртіп Сұлтанбектің елгезек, əдепті 

болып өсуіне игі əсерін тигізді. Əсіресе, 

əпкелері Алмагүл, Эльвира, Альфия, 

Салтанат, Нұргүлдердің ықпалы да мол бол-

ды. Анасы Рая болса ұлының сабақта озат, 

жақсылыққа талпынғыш екендігін айтудан 

еш жалықпайды. 

–Жаз айларында ата-анаммен бірге 

қала сыртында демаламын. Сондай-ақ  шет 

елдерге де саяхаттап көрдік. Ел көру, жер 

танудың адам өресін өсіруге əсері зор, – 

дейді Сұлтанбектің өзі. Ол 5 жасында та-

эквондо үйірмесіне алғаш  барғандағы 

Салтанат ҚАЖЫКЕН. «Өсер елдің баласы осындай»

əсерлерін, спортпен шұғылданудағы əдіс-

тəсілдерін, сондай-ақ 2013 жылы Бейжіңнен 

визамен Гонгонгқа одан əрі кемемен 1,5 сағат 

жол жүріп тарихи қала Макаоға барғандағы 

көңіл-күйін күнделікке де түсіріп жүр екен.  

Қазіргі таңда мектеп оқушылары ара-

сында өтетін көптеген өнер байқауларына, 

концерттерге белсенді түрде қатысып жүрген 

Сұлтанбектің болашағынан мол үміт күтуге 

толық негіз бар. Қазақ мектебінде оқи жүріп 

ағылшын тілін жақсы игерген қаршадай ұл 

Алла қосса келесі оқу жылы, яғни 8-сынып-

тан бастап Назарбаев зияткерлік мектебінде 

оқитын болады. 

Таяуда «Ұлы арман» атты V аудандық 

өнер байқауында ол күй сайысы бойынша 

жеңімпаз деп танылды. Олай болса күні 

ертең оның еліміздің сүйінетін бір ұлы бола-

тынына сенімдіміз.  

Салтанат ҚАЖЫКЕН

Айтулылар айтқан сөз

Мақсат – әрекетті ақтап алады.

Жүсіпбек АЙМАУЫТОВ

12

Біздіѕ сўхбат

«ЖУРНАЛИСТИКАНЫ 

ҚҰРҒАҚ МАҚТАННЫҢ 

ҚҰРАЛЫНА АЙНАЛДЫРУҒА 

БОЛМАЙДЫ»

Журналистика саласындағы жас мамандарды даярлау 

ерекшеліктері мен қазақ журналистикасының бағыт-бағдары жай-

лы əл-Фараби атындағы Қазақ Ұлттық университеті журналистика 

факультетінің деканы, филология ғылымдарының докторы, профессор 

Өмірхан Əбдиманұлымен сұхбаттасқан болатынбыз.

13

–Факультеттің бүгінгі тыныс- 

тіршілігі туралы айтсаңыз?

–Бұл факультет қай кезеңде, қай 

уақытта болмасын  жаңашылдыққа бой 

 

ұрып, сол дəстүрді жалғастыра отырып,ары 

қарай дамытатын оқу орны деп айтуға 

əбден болады. Əл Фараби атындағы Қазақ 

Ұлттық  университеті қазақ елінің,қазақ 

халқының жалпы біздің ұлтымыздың 

тұңғыш университеті. Бүгінгі таңда 

университеттің жеткен жетістіктері айқын 

да анық. Халықаралық Ұлыбританияның 

QS рейтінгі бойынша ҚазҰУ əлемнің 800 

озық университтерінің ішінен 299-орын-

ды иеленіп отыр. Яғни, ресейлік МГУ, 

Санкт-Петербург университтерімен бірге 

əлемдегі ең озық 300 университеттері 

қатарынан орын алды. Соңғы жылда-

ры университет жаңа оқу өрнегіне, жаңа 

оқу жоспарларына,жаңаша тəрбиелеудің 

негізіне көшіп отыр. Бакалавриат, магистра-

тура, PHD докторантура болып үш сатылы 

оқу жүйесіне толық көшті.Сонымен бірге, 

кредиттік технология  жүйесі шəкірттердің 

дəріс, ұстаз таңдау еркіндігіне мүмкіндік 

береді.

Осы үрдістерден журналистика 

факультеті тысқары қалып жатқан жоқ. 

Университетте баяғыдағы оқу жүйесі 

академиялық,классикалық  үлгіде бол-

са, соңғы үш жылдың көлемінде зерт-

теу университетіне айналып келе жатыр. 

 

Университет тек қана  білім беріп қоймай,ары 

қарай ғылыми зерттеуді дамытуға өз үлесін 

қоспақ. Зерттеу университетіне көшу себебі: 

біріншіден,оқып жатқан жастарды бəсекеге 

қабілетті маман етіп дайындау.Екіншіден, 

өз мамандығы бойынша сол саладағы 

ғылыми зерттеу ісіне дайындау. Яғни, таза 

журналист мамандығын меңгерумен бірге 

ғылымға бейімі бар жастарды бакалавриат-

тан бастап зерттеу жұмыстарына  бағыт беру.

Бұл əсіресе журналистика факультетіне өте 

қажет. Себебі, журналистика мамандығы 

жалпы ғылыми тұрғыдан алғанда өзі жеке 

ғылым ретінде қалыптаса қоймаған сала.

Факультетте бүгінде үш кафедра, бір 

телерадио кешен жұмыс істейді. 

Олар 

Баспасөз 

жəне 

электрон-

ды БАҚ кафедрасы, меңгерушісі 

профессор,саясаттану ғылымдарының 

докторы Гүлмира Сұлтанбаева. Кафедра 

 

қазіргі кезде ғылыми зерттеу жұмыстарына 

көп көңіл бөлуде. Радио, телевизиялық ха-

барлар жүйесін іске қосты. Сонымен қатар, 

ағылшын тілінде оқытылатын үш топ 

құрылды. Колумбия университетінен кел-

ген Рафиз Авасов, кафедра  оқытушысы 

Ə.Əлжанова т.б.  ағылшын тілінде дəріс 

оқиды.

Юнеско,халықаралық журналисти-

ка  жəне  қоғаммен  байланыс  кафедрасы, 

меңгерушісі профессор Назгүл Шыңғысова. 

Бұл өте жақсы мамандық,себебі  баспасөз 

қызметінің басшыларын, қызметкерлерін 

дайындайды. Сонымен қатар,белгілі бір 

мекемелерге қоғаммен байланыс орната-

тын мамандарды дайындап шығарады. 

Бакалавриатта халықаралық журнали-

стика бойынша маман   дайындалмайды. 

Жалпы журналистиканың қыр-сырын 

меңгеріп шыққаннан кейін,халықаралық 

журналистикаға бейімделемін дейтін бол-

са ары қарай магистратураға түсіп,сол 

халықаралық журналистика мамандығы 

бойынша дайындалып шығады.

Баспа ісі жəне дизайн кафедрасы, 

менгерушісі филология ғылымдарының 

Ырысгүл АШУОВА. 

«Журналистиканы құрғақ мақтанның құралына айналдыруға болмайды»

14

кандидаты, доцент  Сағатбек Медеубекұлы. 

Кафедра баспа ісіне қатысты баспагер-

редакторларды дайындайтын факультет 

бөлімі. Дизайн мамандығына əлі де бол-

са талапкерлер арасында қызығушылық 

төмен. Бірақ бұл мықты мамандық.Жаңа 

заманға сай шығармашылық ізденістің 

мамандығы. Себебі, компьютер арқылы 

кітапты,хабарларды    безендіру,  əсемдеу 

бұл үлкен шығармашылық қабілетті  қажет 

етеді.

Заман өзгерісіне сай біздің 

оқытушылар жыл сайын шетелдерде 

тағылымдамадан өтуде. Деканның ғылыми-

инновациялық жұмыс жөніндегі орынба-

сары, филология ғылымдарының докторы 

Мысаева Қарлыға Америкада бір жыл оқып 

келді. Қазір журналистикалық мəселелердің 

теориялық, практикалық жүйесін жақсы 

меңгерген ұстаз, ғалым ретінде танылып 

жүр.Сонымен  бірге,  Баспасөз  жəне  элек-

тронды БАҚ кафедра меңгерушісінің  оқу ісі 

жөніндегі орынбасары Əйгерім Əлімжанова, 

доцент Жетпісбай Бекболатұлы, дизайн 

оқытушысы Ниетжан Ибрагимов, Сəкен 

 

Нұрбеков шетелдерде  тағылымдамадан 

өтіп, тəжірибе алмасып қайтты.

– ҚазҰУ-дың журналистика факуль-

тетінің өзге оқу орындарындағы журна-

листика факультеттерінен ерекшелігі 

қандай?

–Басқа да оқу орындарында  да журна-

листика мамандары дайындалады.Олардан 

біздің факультеттің төрт басты ерекшелігі 

бар деп білемін.

Біріншіден,біздің факультет Қазақ-

станда дəл бүгінгі күнде таза масс-медиа 

мамандарын дайындайтын жалғыз фа-

культет. Оның себебі, он беске таяу оқу 

орындарында  журналистика маманда-

ры дайындалады екен.Солардың бəрі 

таза 

журналистика 

факультеті 

емес. 

Мысалы, Л.Н.Гумилев атындағы Еуразия 

университетінде «Саясаттану жəне журна-

листика» факультеті, Е.Букетов атындағы 

Қарағанды мемлекеттік университетінде, 

М.О.Əуезов  атындағы  Оңтүстік  Қазақстан 

т.б. университеттерде  журналистика фило-

логия факультетінің бір кафедрасы болып 

табылады.

ҚазҰУ-дің журналистика факультеті 

Теле-радио журналистика мамандығы 

бойынша студенттерді дайындауда толық 

материалдық-техникалық базасы талапқа 

сай бірден-бір факультет. Біздің теле-

радио студиямыз техникалық тұрғыдан 

толыққанды жабдықталған,сонда сту-

денттер өздерінің хабарларын дайын-

дап, журналист,редактор,сценарист 

ретінде қалыптасуына тағылым алады. 

Көбінесе лабораториялық,практикалық 

сабақтарымыз телестудияда өтеді. Бұл 

болашақ  журналист үшін үлкен мектеп деп 

білемін.

Екіншіден,біздің факультеттің жал-

пы журналистер дайындаудағы 80 жылдық 

тəжірибесі бар.

Факультетте сонау Алаш арыстары-

нан бастап небір алыптар дəріс оқыды. 

А.Байтұрсынов, С.Сейфуллин, С.Мұқанов, 

Қ.Бекхожин, Т.Қожакеев, М.Барманқұлов, 

Т.Амандосов сынды ғалымдардың дəріс 

беруі факультетіміз үшін үлкен жетістік деп 

білемін. Сондықтан да небір зиялылар сабақ 

берген аралықтарды ғылыми əдістемелік 

дəстүрі толығынан  қалыптасқан бай 

тəжірибесі бар факультетке айналдырарлық 

қақымыз бар. Сонымен қатар, бəсекеге 

 *«Үркер»*№6* 2014

15

қабілетті маман дайындауда бүгінгі күнде 

факультетте 13-ғылым докторы, 30- дан аса 

ғылым кандидаты еңбек етеді.

Үшіншіден, Қазақстандағы жур-

налистер дайындаудағы материалдық-

техникалық базасы бүгінгі күн талаптары-

на жауап беретін радиостудия, телестудия, 

баспахана жұмыс істеп тұрған факультет. 

Қазіргі уақытта Жапонияның «Konica» 

компаниясымен бірлесіп, «Баспа ісі жəне 

дизайн» кафедрасына жаңа заманғы тех-

нологияларды əкеліп қойып,  жаңа заманға 

сай кітап басу,газет шығару мəселелерін 

түсіндіріп дəріс оқу, сабақ жүргізу жолға 

қойылды. Ал университетіміздің баспа-

сы технологиялық тұрғыдан ең жоғарғы 

деңгейдегі өндірістік орын. 

Төртіншіден, Қазақстанда жур-

налистика ғылыми-зерттеу мектебін 

қалыптастырған ҚазҰУ-дің журналисти-

ка факультеті. Мұнда қазақ журналисти-

касы мен əлем журналистикасы тарихын 

зерттеудің кезінде профессор Қалижан 

Бекхожин негізін қалаған, ғылыми мектепті 

бүгінде ҚР журналистика  академиясының  

президенті, профессор Сағымбай Қабашұлы 

Қозыбаев  жалғастырып,  ғылыми  дамы-

тып отыр. Журналистика теориясын зерт-

теу  мектебін профессор Тауман Амандосов 

қалыптастырса, қазіргі заман журнали-

стикасын зерттеудің алғышарттарын 

жасап,оны өнегелі мектепке айналдырған 

профессор Темірбек Қожакеев. Теле-

Радиожурналистика зерттеу ілімінің негізін 

əлемдік деңгейдегі ірі ғалым, профессор 

М.Барманқұлов қалады. 

–Жас мамандарды  даярлауда 

қандай  жаңа инновациялық оқыту 

əдістері қолданылуда?

–Былтыр жас мамандарды даяр-

лауда  мемлекеттік стандартты негізге 

ала отырып, жаңа білім беру жоспарын 

жасадық. Жалпы білім беретін дəрістерді 

қысқартып,таза журналистикаға қарай 

бейімдедік. Мамандарды салалық траекто-

рия бойынша дайындауға көштік. Мұнда 

тележурналистика, радиожурналистика, 

фото журналистика, интернет журналисти-

ка салаланып оқытылады. 

Бүгінгі күнде ұзақ лекция оқу дəстүрі 

тиылған. Негізгі  мəліметті шұбалаңқы  ет-

пей, нақты, қысқаша  түрде түсіндіру  белең 

алған.  Бұл  орайда    көптеген    электронды 

құралдар  өз  септігін  тигізуде.  Маманды 

дайындаудағы басты əдіс-тəсілдер: 

практикалық сабақтарды дебат, дөңгелек 

үстел,    үш  жақты  сұхбат,іскерлік  ойын-

дар түрінде  ұйымдастырып,сараптаманы 

студенттің өзіне жасату.

–Оқу үрдісінде  тəжірибе мен теория 

қаншалықты ұштасуда?

–Қазіргі кезде студентеріміз 

университетіміздің газеті мен баспасында 

тəжірибеден өтіп жатыр.Сонымен бірге, əр 

кафедра газет, журнал шығару ісін қолға 

алуда. Айталық,  баспа ісі жəне дизайн кафе-

драсы безендірсе, мақаланы баспасөз жəне 

электронды БАҚ кафедра студенттері жаза-

ды.Журналдар көп таралыммен шықпаса да, 

университет көлемінде тарайтын деңгейде.

Факультетімізде жеті жылдай де-

кан болған, жиырма жылдай дəріс оқыған 

«Қазақ энциклопедиясы» редакциясының 

бас редакторы Бауыржан Жақып, «Қазақ 

газеттері» ЖШС директоры Жұмабек 

Кенжалин студенттерге дəріс оқып, 

лабораториялық сабақтарды өздері еңбек 

Ырысгүл АШУОВА. 

«Журналистиканы құрғақ мақтанның құралына айналдыруға болмайды»

16

ететін  жұмыс орындарында өткізеді.

Студенттерді бірінші курстан ба-

стап белгілі бір телеарнаға немесе баспаға 

тəжірибеден өту үшін бекітуді ойласты-

рудамыз. Теорияны ойға түйгеннен кейін, 

тəжірибеде қолдану міндетті. Бірақ жас 

студенттер жайлы көп сын айтылады.  Көп 

оқығаннан ештене өнбейді, шеберлік тікелей 

тəжірибеге байланысты.Журналистика 

мамандығы бойынша оқып шығып, газетке 

барғанда қорқақтық таныту  əр  жас журна-

листке таныс жағдай . Шеберлік бірте- бірте 

қалыптасады. Қазір кейбір журналистеріміз  

бір кездегі өзінің қандай болғанын  ұмытып 

кетіп жатады. 

«Қазіргі    кезде  жастар  ештеңе  жаза 

алмайды»— деп кесіп шешім шығарып жа-

тады. Əрине, алғашқы кезде кемшіліктер 

кездесіп жатады. Бірақ қазіргі жастардың 

біздің кезеңмен салыстырғанда интеллекті 

жоғары, соны мойындауымыз керек.. Олар 

дүниедегі барлық құбылыстан хабардар. 

 

Тəжірибе уақыт өте келе қалыптасады.

 –«Елім деп ет-жүрегің езілмесе, 

ерлігіңнен не пайда?!» демекші, журнали-

стер пікір қалыптастыруда қаншалықты 

белсенді?

–Социалистік кезеңде мемлекеттік 

басылымдар қатарында 4-5 газет, 3-4 жур-

нал ғана болды. Біреуі- партияның,бірі- 

атқарушы органдардың басылымдары 

еді.Басылым беттерінде жарық көрген 

 

мақалалар халыққа қатты ықпал етті. 

Əрбір  сыни мақаланы, жан-жақты, əр 

деңгейде тексеріп жататын. Қазір он-

дай жағдай жоқ.Бірақ сыни мақала жарық 

көрсе,сыналған басшылардан емес халық 

пікірінен сескенеді. Бұл журналистердің 

қоғамдық пікір қалыптастырудағы рөлінің 

зор екендігін білдіреді.Белгілі бір орын 

сыналғанды жазаламауы мүмкін, бірақ ол 

іштей жазаланады. 

Егемендік алғаннан  кейінгі 

қоғамымыздың даму барысы, біздің жеткен 

жетістіктеріміз елімізде орын алып отырған 

кемшіліктердің жазылуы қоғамның ой 

өрісінің деңгейін жоғарлатады. Біздің бала 

кезімізде социалистік қоғамның барлық ой-

пікірі  «Правда» газетінде жарық көретін. 

Қазірде «Егемен Қазақстан» газетін халық 

оқымайды деген сөз бұл шындыққа жанас-

пайды. Бəрі де оқиды. Себебі,мемлекеттің 

сара жолын, бағыт-бағдарын, Елбасының 

іс-əрекетін халыққа жеткізу қажет. «Егемен 

Қазақстан» ғылым, білім деңгейінің өсуіне 

қаншама қажетті материалдарды беріп 

жатыр. Бүгінгі еліміздегі саясаттың ту 

ұстаушысы- «Егемен Қазақстан». Болмаса, 

«Қазақ əдебиеті» газеті руханиятқа байла-

нысты сан ой-пікірлерді жариялап отырады. 

Əдебиеттің тайқазаны іспеттес.

Əр  газеттің  айтар  ойы,  бір-  біріне 

ұқсамайтын өзгешелігі бар.Қай-қайсысын 

алсаңыз да бүгінгі күнде қоғамдық пікірді 

қалыптастыруда өз орны бар. Бəрі бірден ақ 

пен қараны айырып жазып кете алмайды. 

Ол біртіндеп дамитын үдеріс.

–Бүгінгі қазақ журналистикасын 

қалай бағалайсыз? Шетел журналистика-

сымен салыстырғандағы  артықшылығы 

мен кемшілігі?

–Шетел журналистикасы  сан ғасыр 

бойы еркіндіктің кеңістігінде дамып келе 

жатқан баспасөз. Салыстыратын болсақ, 

шетелдік журналистикада жеке адамның ой 

–пікірін қоғамдық зерттеу арқылы жеткізуді 

 *«Үркер»*№6* 2014

17

мақсат тұтады. Шетел журналистикасында 

объективтіден гөрі жеке субъективті пікірі 

басым келеді.  

Ал бізде өткір шындықты айтуға 

 

журналистердің батылы жетпей жа-

тады. Ол қорыққандықтан емес, сол 

ақпараттың қоғамға əсері болатыны-

на анық сенінкіремегендігінен. Шетел 

журналистикасының кемшілігі ақпаратты 

таратқанда кейде біржақтылыққа жол 

береді. Біз сияқты дəстүрлі дамып келе 

жатқан елдің ой- санасына зиянды нəрселер 

көп кездеседі. Ал біздің баспасөзде 

мəдениеттілік, əдептен озбау, ұлттық мен-

талитет айқын байқалады. Бұл  қазақ 

журналистикасының артықшылығы. Бірақ 

бұл құбылыс бізде интернет журналисти-

када  мүлде басқаша. Ғаламторда ойына 

келгенін  жазып,  сөзге  мəн  беруді  қойды. 

Оқырман пікірін оқысаң тіпті жағаңды 

ұстайсың. Баспасөз, теле- радио журнали-

стикада  дəстүр қалыптасқан, ал интернет 

журналистика бірден шетелге еліктеуден 

пайда болған. Байыпты ой, бағалы пікір өте 

аз мөлшерде кездеседі. Лақап атпен небір 

мақалаларды  сайт бетінде жария етеді. 

Қазақ журналистикасын шетел журнали-

стикасымен салыстырғандағы кемшілігі 

мен артықшылығы осы.

–Елімізде журналистердің еңбегі өз 

деңгейінде еленіп-ескеріле ме?

–Ия.  Еңбектің  өтемақысы  бар  ма  де-

ген тұрғыдан келгенде жазылған,істелген 

жұмыстың  деңгейінде  журналистер еңбегі 

толығымен ақталады. Ал енді əлемдік 

деңгейде алғанда журналистердің еңбегінің 

еленіп – ескерілуі  өте төмен. Кеңес одағы 

кезеңінде журналистер идеологияның үлкен 

қуатты күші болды. Адамның санасына 

əсер ету,  жүйеге сай тұлға  тəрбиелеу басты 

міндет болды. Сол себепті, журналистердің 

қоғамдағы рөлі зор еді. Ал қазір ондай 

жағдай жоқ. Əсіресе қазақ журналистерінің 

бүгінгі жағдайын керемет деп айта алмай-

мыз. Журналистердің қоғамның қозғаушы 

күші ретінде рөлі нақтыланбай тұр. 

Журналистиканы əлі де болса «төртінші 

билік» ретінде қабылдамайды. Сол орасан 

күшті  əлі де болса дұрыс пайдалана алмау-

дамыз.

–Журналист мамандығын таңдаған 

жастарға айтарыңыз бар ма?

–Журналист-қадірлі, қасиетті маман-

дық. Ертеректе журналистерді ең қадірлі 

мамандық иесі деп білетінбіз. Себебі, 

«дəрігер-адам жанының арашасы, жур-

налист- адам арының арашасы»деген 

ұғым қалыптасқан. Журналист сол 

ұстаныммен еңбек ететін. Ал қазір ол 

ұғымға журналистің еңбегі сай келе 

бермейді. Журналист мамандығын таңдаған 

жастарға айтарым: журналистиканы құрғақ 

мақтанның құралына айналдыруға болмай-

ды. Екіншіден, журналистика мамандығын 

халық алдында көрініп жүрудің амалы деп 

білуге болмайды. 

Жалпы ондай жеңіл мақсаттан аулақ 

болуымыз қажет.Сондықтан, журналистика 

факультетіне келген жастар, «ел мұңын ай-

тып, жоғын жоқтаймын,қоғамның алға да-

муына, сөз өнері арқылы адам ой-санасын 

дамытуға қызмет етемін» деп келуі тиіс. 

Сұхбаттасқан 

Ырысгүл АШУОВА, 

əл-Фараби атындағы ҚазҰУ 

журналистика факультетінің 

4-курс студенті

Ырысгүл АШУОВА. 

«Журналистиканы құрғақ мақтанның құралына айналдыруға болмайды»

18

Ќауырсын ќалам

Қатысушылар:

7-сынып оқушылары

Ырысбала апай – тарих пəнінің мұғалімі

Бекен Нұрмұханбетов – қарт археолог

Айдос – сабаққа онша құлқы жоқ оқушы

Айсұлу – озат, белсенді оқушы

Арыстан – орташа оқитын, бірақ ақын болуға талпынып жүрген оқушы

Балнұр – озат оқушы

Санжар, Əлібек - оқушылар

Алматы облысы, Еңбекшіқазақ 

ауданындағы Есік обасы. Алматы қаласынан 

келген 7-сынып оқушылары Алтын Адам 

 

табылған обаны аралап, əр шұңқырдан, 

əр  төбешіктен  сыр  іздегендей  үңіледі.  Топ 

жетекшісі Ырысбала  апай өз оқушыларына 

Алтын Адам туралы тарихтан суыртпақтап 

сыр шертеді:

– Ғылым біздің заманымызға  дейінгі 

 

500 жыл бұрынғы тарихты тірілт 

кенде ол 

кездің жылнамасы кешегі күннің оқиғасындай 

болып қалады екен. Осы жерді мекендеген 

сақтар қазақтардың бұрынғы бабалары,   деген-

де оқушылар елең ете түседі.

АМАНАТ

жүктеу/скачать 2,44 Mb.

Достарыңызбен бөлісу: