С. В. Киселев, С. В. Алексахин, А. В. Остроух
жүктеу/скачать 1,97 Mb. Pdf көрінісі
|
| 1.3
сурет. Панельдер тобына (ашық) біріктірілген панельдер. 1.4сурет. Топтың қосымша мәзірі 1.5- сурет. Нысандар панелі Док басты терезенің қалған кеңістігінен қалың сұр жолақпен бөлінген, сіз оны тінтуірмен ауыстырып, доктың өлшемін өзгерте аласыз. Панельдер үнемі, тіпті белсендірілмеген болса да, құжат терезесінің үстінде орналасады. Бұл қай терезе белсенді болып тұрғанына қарамастан, сіздің оларға әрқашан қол жеткізе алуыңыз үшін жасалған. Егер сіз осы панельдердің біреуін алып тастағыңыз келсе, оны құжат терезесінің сыртына шығарыңыз немесе оның қосымша мәзірін ашып Close Panel Group тармағын таңдаңыз. Одан әрі сіз сәйкесінше Window мәзір тармағын таңдап керекті панельді аша аласыз. Dreamweaver программасының терезесі белсенді болмаса (мысалы, пайдаланушы басқа программаға ауысқанда), барлық «жүзіп жүрген» панельдер уақытша жасырынады. Dreamweaver белсендіргенде, олар қайтадан экранға шығады. 1.5- суретте көрсетілген нысандар (олар Insert деп аталады) панелі құжатқа түрлі элементтерді: сурет, кесте, арнайы символдар, кеңейтілген веб-шолуларды тез орналастыру үшін қызмет етеді. Нысандар панелі көптеген қосымша парақшалардан тұрады, сіз оларды ажыратып- қоса аласыз – бұл тәсіл оны барынша сыйымды етеді. Егер нысандар панелі сізге керек емес болса, сіз оның қосымша мәзірін ашып, Close Panel Group тармағын таңдап, жаба аласыз.Оны кейін ашу үшін Windows мәзірінде Insert тармағын таңдаңыз немесе [Ctrl] + [F2]перне комбинациясын басыңыз. 10- тарау Веб-сайттарды құруға арналған программалық қамсыздандыру Properties атауы бар екінші панель Dreamweaver маңызды аспаптарының бірі қасиеттер редакторы (1.6-сурет). Қасиеттер редакторы веб-парақшаның қандай да бір элементтерінің параметрлерін көрсетуге қызмет етеді. Егер нысандар панелін экранда бос орынды көбейтіп, басты терезенің мәзір тармағы парақшасының элементтерін орналастыруға пайдалану үшін жаба алсаңыз, қасиеттер редакторы сізге әрқашан керек болады. Егер де сіз оны байқамай жауып қойсаңыз, Windows мәзірінде Properties тармағын таңдаңыз немесе [Ctrl] + [F3]перне комбинациясын таңдаңыз. Қасиеттер редакторын жинақ етіп немесе толық түрде қосуға болады. Бастапқыда ол Dreamweaver әзірлемешілердің ойынша аз пайдаланылатын кейбір қасиеттерді көрсетпей, жинақы күйде болады. Оны толық ашу үшін төменге қараған бағыттауыш түріндегі батырманы тінтуір пернесімен басыңыз – ол панельдің оң жақ төменгі бұрышында орналасқан. Содан кейін қасиеттер редакторы сізге барлық қол жетімді қасиеттерді көрсетеді. Ол кезде ашу батырмасы түрін жоғарыға қараған бағыттауышқа өзгертеді және оған басқан кезде сіз қасиеттер редакторын жинайсыз. Басты терезенің жоғарғы шетінде, нысандар панелі тұрған жерде батырмалармен толтырылған жіңішке сұр панельді көре аласыз (1.6-суретті қар.). Бұл – Dreamweaver аспаптарының бірі. Инструментарий — қарапайым панельдердің көптеген мүмкіндіктерінен айырылған, тек жиі қолданылатын кейбір операцияларға тез қол жеткізу мақсатына арналған ерекше панель. Dreamweaver-де мұндай инструментарийлер екеу: ■ стандартты,файлдық операцияларға (веб-парақшаны құру, ашу және сақтау, алмастыру мен кері шегіну буферімен операцияларға) қолжетімділікті ұсынады, бастапқыда жасырын тұрады; ■ ашық тұрған веб-парақшамен және программаның өзімен түрлі әрекеттерді орындауға мүмкіндік беретін құжат инструментарийі(1.7-сурет). Dreamweaver экранға бірден алуан түрлі терезелерді шығаруы мүмкін. Ең алдымен, осы терезелерді басқаруға болатын мәзір тармақтарын білу керек. Бұл тармақтардың бәрі Windows кіші мәзірде болады. Егер сізге бірден екі немесе одан да көп терезені көрнекті ұстау керек болса, Cascade, Tile Horizontally тармақтарын немесе Windows мәзірін Tile Verticallyтармағын пайдаланыңыз. жүктеу/скачать 1,97 Mb. Достарыңызбен бөлісу:
|