Білімділік: «Шш»дыбысын анық айтуға жаттығады, дыбыстық талдау дағдылары (мәтіннен сөйлемді, сөйлемнен жаңа үйретілген дыбысы бар сөзді) қалыптасады; әріпті таниды, дыбыс пен әріпті бір-бірінен ажыратады; оқу түрлерін (буындап оқу, тұтас оқу, мәнерлеп оқу, түсініп оқу) қолданады.
Дамытушылық: фонематикалық-естіп қабылдауы, ойын тапсырмалары арқылы ойлауы, қабылдауы, зейіні дамиды,артикуляциялық жаттығуларды жасау арқылы дыбысты дұрыс айтуға үйренеді; сөздік қоры байиды; сюжетті сурет бойынша шағын әңгіме құрайды; байланыстырып сөйлеуге үйренеді.
Тәрбиелік: тыңдай білуге,ұқыптылыққа үйренеді.
Сабақ барысы
Сабақтың кезеңі/уақыты
Логопедтің әрекеті
Оқушының әрекеті
Бағалау
Ресурстар
Сабақтың басы
Ұйымдастыру кезеңі: Сәлемдесу.
Құралдарын дайындау.
Психологиялық ахуал орнату. – Балақай, бір-біріміздің қолымыздан ұстап, алақан
арқылы жүректің жылуын сезініп үйренген қандай тамаша, қандай қуаныш!
Көңіл-күйің қалай?
Жылдың қай мезгілі? Ауа райы қандай?
Өсемiз бiз күлiп-ойнап, Он саусақтың саласындай. Өсемiз бiз күлiп-ойнап,
Бiр адамның баласындай.
Сабақтың ортасы
Сабақтың күтілетін нәтижесімен таныстыру: Ең бірінші «Шш» дыбысының профилімен танысайық.
Ерін алдыға шығыңқы және дөңгеленген. Тілдің ұшы таңдайға жақын орналасқан, бірақ оған тимейді. Тілдің екі жағы азу тістерге жабысып тұрады. Тілдің ортаңғы бөлігі көтеріңкі. Тілдің түрі ожауға ұқсайды. Шығарылған ауаның лебімен тілдің ұшы таңдайдан ажырайды, тамақ дірілдемейді. Дауыс сіңірлері жұмыс істемейді.
Артикуляциялық жаттығулар:
«Піл»
«Тәтті тосап»
«Саңырауқұлақ»
«Кесе»
«Тоқылдақ» «Шш» дыбысы – дауыссыз дыбыс. «Ш» дыбысы туралы мәлімет беру.
Жеке дыбыстың айтылуы: Жаттығуларды жасату арқылы «Шш» дыбысын шығарып алып, оны жекелей бірнеше рет қайталатып айтқызу.
ШШШШШ-........
«Шш» дыбысын жеке айтып қайталау. Еліктеу арқылы: «Шш» дыбысын тікелей естіп қабылдау, сөлеу қимылдарын көру арқылы қабылдау, айнаға қарау арқылы өзінің ішінен шығатын ауа ағымын, көмекей дірілін қолмен сезініп байқау.
Зонд немесе шпатель көмегімен «Ш» дыбысын дұрыс айтқызу.
