Сабақ сценаийі С1 кезеңі
тақырып. Біріктірілген сынып-комплектілеріндегі пәнаралық кіріктіріп оқыту
жүктеу/скачать 290,29 Kb.
|
Сабақ сценаийі С1 кезеңі-emirsaba.org
2.4 тақырып. Біріктірілген сынып-комплектілеріндегі пәнаралық кіріктіріп оқытуОқыту нәтижелері: Шағын жинақталған мектептің біріктірілген сынып-жинақтарында пәнаралық кіріктірілген оқытудың ерекшеліктерін біледі;
С1 кезеңі. Байланыстыру «Ассоциация» әдісі. «Кіріктірілген оқыту» тақырыбына ассоциациялар жинау. Ассоциацияны ШЖМ білім беру үдерісінің ерекшеліктерімен байланыстыру. С2 кезеңі. Теория Жоспар бойынша интерактивті дәріс: Пәнаралық кіріктірілген оқыту ерекшеліктері Пәндерді кіріктіру түрлері. Дәріс Дәріс далог режимінде өтеді. Оқу жоспарына сәйкес, оқылатын пәндер тізбесі мен ШЖМ-да меңгеруге бөлінген апталық сағат саны бірдей емес. Бұл ШЖМ-да екі немесе одан да көп сынып оқушылары үшін көппәндік сабақтарды бір мезгілде өткізу қажеттілігін талап етеді, бұл оқу материалының мазмұнын пәнаралық кіріктіруге ықпал етеді. Бір ұғымды оқып-үйрену кезінде екі немесе одан да көп пәндерді бір уақытта оқытуды біріктіретін сабақ түрі кіріктірілген сабақ болып табылады, мұнда пәндердің бірі жетекші, ал қалғандары көмекші болады. - Кіріктірілген сабақ негізінде не жатыр? Кіріктірілген оқыту сабақтар жүйесіне негізделеді, оның мақсаты әр түрлі пәндерден алынған білімді біріктіру және оқушылардың оқылатын материалды жинақталған қабылдауын ұйымдастыру арқылы олардың мәнін ашу. Мұндай сабақтар білім беру мазмұнының негізгі элементтерін оқшаулауға мүмкіндік беретін, тірек идеяларды, тұжырымдамаларды, оқу әрекетінің әдістерін дамытуды қамтамасыз ететін пәнаралық байланыстарға негізделуі керек. Кіріктіру, бір жағынан, «тұтас әлемді» көрсетуге мүмкіндік берсе, екінші жағынан, бейіндік саралау үшін пайдалануға болатын оқу уақытын босатады. Кіріктіруді тік және көлденең деп бөлу маңызды сияқты. - Тік және көлденең кіріктіру дегенді қалай түсінесіздер? Көлденең кіріктіру осы оқыту сыныбының пәндерін біріктіруді қарастырады. Тік кіріктіру әр түрлі оқыту жылдары бағдарламасынан біртекті материалдарды қамтиды. Пәнаралық кіріктіріп оқыту: - оқыту үдерісін оңтайландыруға; - оқыту үдерісінде нәтижелілікті арттыруға; - тұтас дүниетанымды және әлем туралы ұғымның жүйелілігін қалыптастыруға мүмкіндік береді; - пәндік білімдерді жақындастырудың ортақ платформасын табу. Жаратылыстану-ғылыми бағыттағы пәндерді кіріктіріп оқыту бойынша әдістемелік ұсынымдар Нұр-Cұлтан: Ы.Алтынсарин атындағы ұлттық білім академиясы. Алтынсарин, 2022. – 200 б. (Портфель 2.4) Ағылшын тілін және жаратылыстану-математика бағытындағы пәндерді (информатика, физика, химия, биология, жаратылыстану) кіріктіріп оқыту. Оқу-әдістемелік құрал. – Астана: Ы. Алтынсарин атындағы ҰБА, 2016. – 300 б. (Портфель 2.4) https://multiurok.ru/files/integrirovannyi-urok-metodika-podgotovki-i-provede.html https://cyberleninka.ru/article/n/osobennosti-integrirovannogo-obucheniya-v-nachalnoy-malokomplektnoy-shkole/viewer Тақырып бойынша презентация жасау. Топтардағы жұмыс. Тапсырма. «Шағын жинақталған мектептің біріктірілген сынып-жинақтарындағы кіріктірілген сабақтың артықшылықтары» тақырыбы бойынша презентация жасау. Интернет көздерінен материалдарды пайдалануға болады. Презентацияда тыңдаушылар келесі тұстарды көрсету тиіс: Кіріктірілген сабақтардың артықшылықтары, олар: - оқушылардың оқу уәжін арттыруға, оқу әрекетін, танымдық қызығушылығын, әлемнің тұтас ғылыми кескінін қалыптастыруға және құбылысты бірнеше қырынан қарауға ықпал етеді; -көп жағдайда сөйлеуді дамытуға, оқушылардың салыстыру, жалпылап қорыту, шешім шығаруын қалыптастыруға, оқу-тәрбие үдерісін қарқындандыруға, ықпал етеді, артық күш жұмсауын азайту, қайта қалыпқа келтіреді; - пән туралы түсінігін тереңдетіп, дүниетанымын кеңейтіп қана қоймай, сонымен бірге жан-жақты дамыған, үйлесімді әрі зияткерлігі дамыған тұлғаны қалыптастыруға ықпал етеді; - кіріктіру фактілер арасындағы белгілі бір шешімдерді бекітетін немесе тереңдететен жаңа байланыстарды табудың, әр түрлі пәндерде оқушыларды бақылаудың дереккөзі болып табылады. Мұғалімдер мен оқушылар үшін біріктірілген сыныптарда пәнаралық кіріктіріп оқытудың мынадай артықшылықтары бар: - пәндік саланы әр түрлі деңгейде, нақты егжей-тегжейлілік жағдайында меңгеру; - оқушылардың назарын әр түрлі сыныптарда оқыса да, бір пән ішінде ұқсас тақырыптар мазмұнынан аудару мүмкіндігі; - дәстүрлі емес проблемалық жағдаяттарда талдау және шешім қабылдай білу дағдыларын дамыту; - білім деңгейіне сәйкес әр түрлі өзіндік жұмыс түрлерін орындау; - оқушылардың жас ерекшеліктерін ескере отырып, әр түрлі деңгейдегі күрделіліктегі өздік жұмысына жағдай жасау; - оқыту кезінде өзара көмек көрсету үдерісінде оқушылардың ұжымдық қарым-қатынасының мүмкіндігі; - оқушылардың өзара тексеру, өзін-өзі тексеру және өзін-өзі бағалау механизмдерін меңгеруі; - төменгі сынып оқушыларының жұмысын тексеру және бағалау үдерісінде жоғары сынып оқушыларының алған білімдерін практикада қолдану мүмкіндігі; - оқушылардың әр түрлі пәндік салалардағы типтік практикалық есептерді шешу қабілеттері мен дағдыларын дамыту, белгілі бір қызмет түрлеріне қабілеттерін дамыту; - білім және білік деңгейлерін бақылау және бағалау. Тапсырманы орындап болғаннан кейін, топтар жұмыстарын таныстырады. Әрбір презентациядан соң, «Бутерброд» әдісі бойынша өзара бағалайды. Бес минуттық жалпылап қорыту. Тақырыптың негізгі ойын ашатын бір сөйлем жазу. С3 кезеңі. Нақты тәжірибе. «Дәлелде» әдісі. Тапсырма. Келесі пәндерді кіріктіруге болатынын (болмайтынын) дәлелдеңіздер: әдебиет және тарих, физика және ағылшын тілі, тарих және география, биология және химия, математика және информатика, қазақ тілі және информатика және т.б. «Жеңіл-қиын». Тапсырма. Кіріктірілген сабақты өткізу кезінде қай тұстары жеңіл, қай тұстары қиындық тудыратындығын анықтаңыз. Кіріктірілген сабақты талдау және түзету. Тапсырма. Кіріктірілген сабақ жоспарын талдаңыз. Артықшылықтары мен кемшіліктерін анықтаңыз. Түзетулер енгізіңіз (қажет болған жағдайда) Талдау үшін шағын жинақталған мектепте «Қазақ тілі» бойынша 5-6-сыныптағы сабақтың қысқамерзімді жоспары
жүктеу/скачать 290,29 Kb. Достарыңызбен бөлісу:
| ||||||||||||||||||||||||||||||