Айтылым. 1-тапсырма. Сұрақтарға жауап беріңдер.
-Қоғам қалай дамиды?
-Қандай қоғамның мүшесі болғың келеді?
-«Жастық! Жігер! Еңбек!» атты республикалық жастар форумы туралы естігенің бар ма?
Грамматикалық материал. Сөзталас
Сөзталас – пікірталастың бір түрі. Пікірталастың ойбөліс, айтыс, сөзталас деп аталатын түрлері табиғаты жағынан бір-біріне жақын. Сөзталас – қандай да бір мәселені көпшілік арасында талқылау. Сөзталас баяндамаларды талқылағанда, хабарламалар жасағанда, жиналыстар мен конференцияларда орын алады. Сөзталаста пікір білдірушілер бір ойды жан-жағынан талдап түсіндіреді. Әртүрлі пікірлер айтылған жерде қарама-қарсылық орын алатыны – заңдылық. Ол қарама-қарсылық дұрыстыққа көз жеткізуге жетелейді, ойдың дұрыс-бұрыстығын
тексеру үшін де қажет.
2-тапсырма.. «Сөзталас» грамматикалық материалындағы негізгі ойды үш сөйлемге сыйдырып,жинақы мәтін жазыңдар.
Есте сақта! Әуелде «интонация» термині латынның іntоnаrе - қатты сөйлеу деген сөзінен пайда болғанымен, бұл терминнің қазіргі қызметі күрделі. Әуен (мелодика), кідіріс (пауза), қарқын (темп), үдемелік (интенсивтілік), ырғақ (ритм), реңк (тембр) интонацияның компоненттері. Оның сөйлеу тіліндегі күрделі құбылыс ретінде атқаратын рөлі айрықша. Ол сөйлемнің құрылуы мен оның коммуникативтік мағынасын,эмоциялық-экспрессивтік түрлерін анықтайды. Сөйлем мен сөйлемнің аражігін ажыратады.
