5.Т/А 3 – мәтіннен ақпартты анықтау, тыңдалған мәтіннің мазмұнын түсіну, негізгі және қосымша ақпартты анықтау.
5.ӘТН 4.2 –грамматикалық норма: зат есімнің мағыналық түрлерін мәтін аясында жалғаулар арқылы түрлендіріп қолдану.
Сабақ мақсаты
Сіздің меңгеретініңіз:
Уақытты тиімді пайдалану;
Мәтіннен ақпаратты анықтау, негізгі және қосымша ақпаратты ажырату;
Зат есімнің мағыналық түрлерін мәтін аясында жалғаулар арқылы түрлендіріп қолдану;
Сабақ барысы
Жаңа бөлім мен тақырып туралы түсінік беру;
Бекіту тапсырмасы;
Сабақты қорытындылау;
Қосымша тапсырма беру.
Жаңа сабақ
Жаңа бөлім мен тақырып туралы түсінік беру;
Бекіту тапсырмасы
1-тапсырма Мәтінмен жұмыс. Негізгі, қосымша ақпараттарды ажырату
2-тапсырма Грамматикалық норма: зат есімнің мағыналық түрлерін мәтін аясында жалғаулар арқылы түрлендіріп қолдану
3-тапсырма Халық ұғымындағы уақыт сөзіне тоқталу, мағыналарын табу
Қорытынды
Көп нүктенің орнына тиісті сөзде
Қосымша тапсырма
«Уақыт алтыннан да қымбат» деген тақырыпта ойтолғау жазу. Көлемі – 30-40 cөз.
Уақыт
Мұғалімнің іс-әрекеті
Ресурстар Презентация
Сәлеметсіздер ме, құрметті балалар! Бүгінгі қашықтықтан оқыту сабағымызға хош келдіңіздер!
Ал балалар, сабағымызды бастамас бұрын «Біз өзіміздің бос уақытымызды қалай өткізіп жүрміз?» деген сұраққа жауап іздеп көрейікші. (слайд)
Өте жақсы, осы жерде кітап оқу, спортпен шұғылдануды босқа уақыт өткізу емес деп түсінгеніміз жөн. Себебі, кітап- адамның рухани қорегі әрі кеңес беретін ақылшы досы. Кітап оқу арқылы біз тілімізді дамытып, қиял-күшімізді, ойлау қабілетімізді өсіреміз. Ал спортпен айналысу арқылы бойымыздың сергектігін, ағзамыздың шынығуын арттыра аламыз. Біз бұл сұрақтарды бекер қозғап отырған жоқпыз.
Біз бүгін «Бос уақыт және хобби» деп аталатын жаңа бөлімді бастаймыз. Бұл бөлімде біз уақыт ұғымына тоқтала отырып, халық санасында қалыптасқан уақыт ұғымынан тоқталып, адам өзінің уақытын қалай тиімді қолдану керектігі туралы көптеген мәліметтер алатын боламыз.
Ендеше, сілтемені ашып, https://youtu.be/hgsoPZZPlAI бүгінгі сабаққа қатысты жаңа деректермен танысайық. Экранға назар аударайық! (бейнежазба)
--Көрсетілімнен не түсіндік?
--Қандай ақпаратпен таныс болдық?, -деген сұрақтарға тоқталар болсақ
Уақыт - біздің өміріміз. Уақыт пен өмірдің арасында тығыз байланыс бар. Күн мен оның сәулесі, ағаш пен оның жемісі, көзбен көрудің арасында қандай байланыс болса, уақыт пен өмірдің арасындағы байланыс та сондай. Екеуін бөліп жаруға болмайды. Осы бейнежазбадағы көрсетілімге қарап отырып, адамзаттың уақытқа қандай тәуелді екенін көруге болады.
Жаңа тақырып. Уақыт алға жетелейді
