Зертханалық жұмыс №4. Тақырыбы: шынының сыну көрсеткішін жазық параллель пластинаның көмегімен анықтау.
Сабақтың мақсаты: шынының сыну көрсеткішін жазық параллель пластинаның көмегімен анықтау. Өз бетімен жұмыс жасауға дағдыландыру. Сабақ барысында оқушыларға эстетикалық тарбие беру.
Сабақ түрі:зертханалық жұмыс.
Сабақ көрнекілері: жазық параллель пластина, ағылшын түйреуіші -4 дана, өлшеуіш сызғыш, ақ қағаз; шам, аккумулятор батареясы, кілт, жалғағаш сымдар, саңылау бар экран, транспортир.
Сабақ барысы: І. Ұйымдастыру кезеңі. ІІ. Өткен тақырып бойынша алған негізгі түсініктер мен формулаларды еске түсіру. Жұмысытң теориясы. Жарық бір ортадан екінші ортаға өткенде жарықтың сыну құбылыс бақыланады. Мұның себебі - әр түрлі орталарда жарықтың таралу жылдамдығы түрліше болады. Сыну заңы бойынша:
n=sinα/sinβ
Жұмыстың барысы: 1. Электр шамын кілт арқылы батаеяға қосып, тізбек құрыңдар.
2. Шамның алдына саңылау бар экранда орналастырып, ал оның сыртына ақ қағаз қойыңдар.
3. Кілт арқылы тізбекті қосыңдар да, қағаз бетіне жіңішке жарық жолағын алыңдар.
4. Жарық жолағына кез келген бұрышпен шыны пластинаны қойыңдар.
5. Пластинаның пішінін қағазға салып, түсетін сәуленің А басы мен В соңын және жарықтың пластинадан Ғ шығу нүктесін белігдеңдер.
6. Тізбекті ағытып қағаздан шыны пластинадан алыңдар.
7. А мен В, В мен Ғ нүктелерін қосып, түскен және шыққан сәулелерді сызыңдар. Пластинаға жарықтың В түсу нүктесінде перпендикуляр тұрғызыңдар.
8. Транспортирдің көмегімен түсу және сыну бұрыштарын өлшеңдер.
9. Шынының сыну көрсеткішін (1) формула бойынша есептеңдер.
10. Тәжірибені басқа түсу бұрыштары кезінде қайталаңдар және нәтижелерді салыстырыңдар.
11. Тәжірибелерді жарық көзінсіз, ағылшын түйреуіштерін пайдаланып жасаңдар.
