Сабақтың ортасы
4 минут
12 минут
8 минут
5 минут
2 минут
|
Мағынаны тану кезеңі. Сынып жұмысы.
Оқылым алдындағы тапсырма. «Ойлан, бөліс»
Әдебиет дегеніміз не?
Әдебиеттің тілі екеу: Поэзия мен проза. Проза мен поэзия туралы не білесіздер?
Мұғалім кері байланысы.
Оқылым тапсырмасы. Топтық жұмыс. Оқушылар берілген мәтіндерді оқып, топта талқылап, кестені толтырады. Кесте бойынша тапсырманы топта бөліп орындайды, талқылайды.
Тапсырма
|
Проза
|
Поэзия
|
Шығарма ерекшелігі қандай?
|
|
|
Автордың ойы қандай?
|
|
|
Қандай мәселе қозғалған?
|
|
|
Мәтіннің оқырманға әсері қандай?
|
|
|
Өз көзқарасыңыз қандай?
|
|
|
Талқылау. Топтық бағалау.
Б ағалау дескрипторы:
1.Мәтіндердің ерекшелігін анықтайды;
2.Автордың ойы мен көтерілген мәселені анықтайды;
3. Оқырманға әсерін бағалайды;
4.Өз көзқарастарын білдіреді.
А,А+ өз пікірлерін жүйелі, дәлелді жеткізеді.
Мәтіндер: (Топ сандарына сай мұғалім оқушыларды шағын не үлкен топтарға бөле алады)
А. Құнанбаев
Адамның кейбір кездері
Адамның кейбір кездері
Көңілде алаң басылса;
Тәңірінің берген өнері
Көк бұлыттан ашылса.
Сылдырлап өңкей келісім
Тас бұлақтың суындай,
Кірлеген жүрек өз ішін
Тұра алмас әсте жуынбай.
Тәңірінің күні жарқырап,
Ұйқыдан көңіл ашар көз.
Қуатты ойдан басқұрап,
Еркеленіп шығар сөз.
Сонда ақын белін буынып,
Алды-артына қаранар.
Дүние кірін жуынып,
Көрініп ойға сөз салар.
Қыранша қарап қырымға,
Мұң мен зардықолға алар.
Кектеніп надан,зұлымға,
Шиыршық атар,толғанар.
Әділет пен ақылға
Сынатыпкөрген-білгенін,
Білдірсе алыс,жақынға
Солардың сөйледегенін.
Ызалы жүрек, долықол,
Улы сия, ащы тіл
Не жазып кетсе,жайы сол,
Жек көрсеңдер,өзің біл.
17-қара сөз
Қайрат, ақыл, жүрек үшеуі өнерлерін айтысып, таласып келіп, ғылымға жүгініпті. Қайрат айтыпты: «Ей, ғылым, өзің де білесің ғой, дүниеде ешнәрсе менсіз кәмелетке жетпейтұғынын; әуелі, өзіңді білуге ерінбей-жалықпай үйрену керек, ол - менің ісім. Құдайға лайықты ғибадат қылып, ерінбей-жалықпай орнына келтірмек те - менің ісім. Дүниеге лайықты өнер, мал тауып, абұйыр мансапты еңбексіз табуға болмайды. Орынсыз, болымсыз нәрсеге үйір қылмай, бойды таза сақтайтұғын, күнәкәрліктен, көрсеқызар жеңілдіктен, нәфсі шайтанның азғыруынан құтқаратұғын, адасқан жолға бара жатқан бойды қайта жиғызып алатұғын мен емес пе? Осы екеуі маған қалай таласады?» - депті.
Ақыл айтыпты: «Не дүниеге, не ахиретке не пайдалы болса, не залалды болса, білетұғын - мен, сенің сөзіңді ұғатұғын - мен, менсіз пайданы іздей алмайды екен, залалдан қаша алмайды екен, ғылымды ұғып үйрене алмайды екен, осы екеуі маған қалай таласады? Менсіз өздері неге жарайды?» - депті.
Онан соң жүрек айтыпты: «Мен - адамның денесінің патшасымын, қан менен тарайды, жан менде мекен қылады, менсіз тірлік жоқ. Жұмсақ төсекте, жылы үйде тамағы тоқ жатқан кісіге төсексіз кедейдің, тоңып жүрген киімсіздің, тамақсыз аштың күй-жәйі қандай болып жатыр екен деп ойлатып, жанын ашытып, ұйқысын ашылтып, төсегінде дөңбекшітетұғын - мен. Үлкеннен ұят сақтап, кішіге рақым қылдыратұғын - мен, бірақ мені таза сақтай алмайды, ақырында қор болады. Мен таза болсам, адам баласын алаламаймын: жақсылыққа елжіреп еритұғын - мен, жаманшылықтан жиреніп тулап кететұғын - мен, әділет, нысап, ұят, рақым, мейірбаншылық дейтұғын нәрселердің бәрі менен шығады, менсіз осылардың көрген күні не? Осы екеуі маған қалай таласады?» - депті.
Сонда ғылым бұл үшеуінің сөзін тыңдап болып, айтыпты:
- Ей, қайрат, сенің айтқаныңның бәрі де рас. Ол айтқандарыңнан басқа да көп өнерлеріңнің бары рас, сенсіз ешнәрсенің болмайтұғыны да рас, бірақ қаруыңа қарай қаттылығың да мол, пайдаң да мол, бірақ залалың да мол, кейде жақсылықты берік ұстап, кейде жамандықты берік ұстап кетесің, соның жаман, - депті.
-Ей, ақыл! Сенің айтқандарыңның бәрі де рас. Сенсіз ешнәрсе табылмайтұғыны да рас. Жаратқан тәңіріні де сен танытасың, жаралған екі дүниенің жайын да сен білесің. Бірақ сонымен тұрмайсың, амал да, айла да - бәрі сенен шығады. Жақсының, жаманның екеуінің де сүйенгені, сенгені - сен; екеуінің іздегенін тауып беріп жүрсің, соның жаман, - депті. - Сен үшеуіңнің басыңды қоспақ - менің ісім, - депті. Бірақ сонда билеуші, әмірші жүрек болса жарайды. Ақыл, сенің қырың көп, жүрек сенің ол көп қырыңа жүрмейді. Жақсылық айтқаныңа жаны-діні құмар болады. Көнбек түгіл қуанады. Жаманшылық айтқаныңа ермейді. Ермек түгіл жиреніп, үйден қуып шығарады.
- Қайрат, сенің қаруың көп, күшің мол, сенің де еркіңе жібермейді. Орынды іске күшіңді аятпайды. Орынсыз жерге қолыңды босатпайды. Осы үшеуің басыңды қос, бәрін де жүрекке билет, - деп ұқтырып айтушының аты ғылым екен. Осы үшеуің бір кісіде менің айтқанымдай табылсаңдар, табанының топырағы көзге сүртерлік қасиетті адам - сол. Үшеуің ала болсаң, мен жүректі жақтадым. Құдайшылық сонда, қалпыңды таза сақта, құдай тағала қалпыңа әрдайым қарайды деп кітаптың айтқаны осы, — депті.
Оқылымнан кейінгі тапсырма. Жеке жұмыс. Оқушылар жеке берілген сұраққа жауап дайындайды, ойларын «ПОПС» формуласы арқылы жеткізеді.
19-қара сөзінен үзінді
Адам ата-анадан туғанда есті болмайды: естіп, көріп, ұстап, татып ескерсе, дүниедегі жақсы, жаманды таниды-дағы, сондайдан білгені, көргені көп болған адам білімді болады. Естілердің айтқан сөздерін ескеріп жүрген кісі өзі де есті болады. Әрбір естілік жеке өзі іске жарамайды. Сол естілерден естіп білген жақсы нәрселерін ескерсе, жаман дегеннен сақтанса, сонда іске жарайды, соны адам десе болады...
Абай Құнанбаевтың 19-қара сөзінің үзіндісінде қандай мәселе қозғалып тұр?
Пікір (Менің ойымша,...)
Дәлел (Себебі...)
Мысал (Мысалы,...)
Қорытынды (Қорыта айтқанда,...)
Өз-өзін бағалау.
Мұғалімнің кері байланысы.
|
Слайд
https://yandex.kz/video/preview/?filmId=14114961695678233298&text=абай%20құнанбаев%20презентация&path=wizard&parent-reqid=1585489155505133-618258143896042786100173-vla1-3759&redircnt=1585489347.1
http://bilim-all.kz/article/2210
http://alashainasy.kz/proza/juspbek-aymauyitov-ansh-56981/
|
