Атамыз қазақ «Бала-адамның бауыр еті», «Балалы үй-базар»,- дейді.Өйткені бала-өмірдің жалғасы, отбасының жеміс берер гүлі. Баланың болашақта жақсы азамат болып өсуі, жан-жақты тәрбиелі болуы тікелей отбасында берілетін ұлттық тәрбиеге байланысты.
Баланың жақсысы-ата-ананың абыройы,ары, аманы. Қайғысы, азап- соры.
(В.Сухомлинский).
Қазақ халқы баланың құрсақта пайда болуынан бастап, оның дүниеге келуі, өсіп, ел қатарына қосылуына дейінгі ұлттық әдет-ғұрыптар, салт-дәстүрлер сан ғасырлар бойы қалыптастырған. Екі жастың бас қосып, отау тіккеннен кейін тілейтіні – балалы-шағалы болу, артына ұрпақ қалдыру. Бала – өмірдің жалғасы, отбасының жеміс берер гүлі, ерлі-зайыптылардың тіреу діңгегі. Егер жанған оты сөніп, артында түтінін түтететін тұяқ қалмаса кімге де болса үлкен қайғы қасірет. Сол себептен де атам қазақ «Артымда қарайып ұрпақ қалсын, шаңырағымда шырақ жансын» деп ұрпақ жалғастығына зор мән беріп, баланың ат жалын тартып мінер азамат болуы жолында күш-қайратын аямаған.
Мұғалім Қазақ халқының әдет-ғұрыптары мен салт-дәстүрлері туралы түсінік береді.
