Әркімнің өз модасы. Қанша адам болса, соншама талғам бар. Біреулер мода қуып (сән қуып) өмір сүрсе, екінші біреу одан хабардар болып, өз талғамына сәйкес киініп, шашын, бетін күтіп, сырт келбетін бірқалыпта ұстайды. Мода – латынның «ереже» деген сөзінен шыққан. Яғни, мода дегеніміз – өмір мен мәдениеттің қандай да бір саласында белгілі бір талғамның қысқа, уақытша үстемдік құруы. Сән барлық нәрседе, мүсінде, киімде, бетте өмір сүреді. Көбінесе, киімге тән сән (мода) 15 жыл тұрады да, содан соң өзгеріп шыға келеді. Шашқа байланысты сәннің сақталуы одан ұзағырақ.
