(БОӘ) «Ашық және жабық» сұрақ әдісі
Мақсаты: білімін дамыту үшін сындарлы əрекет ету; оқушыларға қозғау салып, ойлануына түрткі болу,талқылау дағдыларын дамыту,
Нәтижесі: оқушы сұраққа жауап беру үшін терең, жан- жақты ойлайды. Ал сұраққа жауап беру арқылы тақырыпты түсіну деңгейі артып, талқылау дағдылары дамиды.
Көбейткішті түбір таңбасының алдына шығаруға болады ма?
Көбейткішті түбір таңбасының алдына қалай шығаруға болады?
Квадрат түбірі бар өрнектерді ықшамдау қалай орындалады?
Көбейткішті түбір таңбасының астына енгізуге болады ма?
Көбейткішті түбір таңбасының астына қалай енгізуге болады?
Квадрат түбірі бар өрнектерді қалай түрлендіруге болады?
Бағалау:оқушылардың өздерін бағалауы «бағдаршам» әдісімен жүргізіледі. Яғни, түсінбегендер – қызыл, жартылай түсінгендер – қызғылт сары, түсінгендер- жасыл флажок көрсетеді. Сол арқылы қызыл, қызғылт сары түстер көрсеткен оқушылар білімінің олқылықтарын анықтап, бағалап, қосымша сұрақтарын қоя отырып білімін толықтырып отыруға мүмкіндік алады. Ал мұғалім оқушылардың өзін сұрақтарға жауап беру барысында қалай көрсете алғанына қарай, өзін- өзі бағалау нәтижесін ескере отырып саралап, бағалайды.
Саралау: дереккөздер (Ресурстар) тәсілі арқылы оқушылардың ақпаратты іріктеп алуы бойынша, бірнеше ашық және жабық сұрақтар қою барысында, сол сұрақтарға жауап берген кезде қандай нәтиже көрсеткені негізінде қорытынды (нәтиже) тәсілімен саралап өте аламын. Тапсырма әдісімен де саралай аламын. Себебі, тапсырма орындап, сұрақтарға жауап бергенде барлық оқушы мәліметтерді талдайды,ізденеді; басым бөлігі ашық сұрақтарға жауап береді; кейбір оқушылар жабық сұрақтарға жауап береді, әрі қателіктер жіберген оқушыларды түзетіп отырады.
