Орта мерзімді жоспардың мақсаты сабақтың тақырыбы негізінде, ал күтілетін нәтиже қойылған мақсатқа жетуге ықпал ететін Блум таксономиясы бойынша құрылды, яғни төменгі деңгейдегі қайта жаңғыртудан жоғары деңгейдегі бағалауға дейінгі тапсырмалар қарастырылды. Жоспарлауда ҚР МЖМББС, күнтізбелік тақырыптық жоспар мен оқулықты басшылыққа алдым. Оқушылар мемлекеттік тілде өз ойын еркін жеткізе, сауатты жаза алса (қолдану), күтілетін нәтиженің орындалатыны ескеріле құрастырылды. Жоспар мазмұны өзара бір-бірімен байланыста болатын 7 модульді қамтиды. ОМЖ алдағы ҚМЖ құрған кезде қолданатын әдіс-тәсілдерді жоспарлау.
Оқыту мен оқудағы жаңа тәсілдер: Оқушыларға оқуды өз бетінше жалғастыра алатын білім жинау жауапкершілігін түсіндіру, бірлескен оқуды жүзеге асыру мақсатында әңгіменің екі түрі (топтық, зерттеушілік әңгіме), оқушы үнін есту мақсатында «Кері байланыс» («Екі жұлдыз, бір ұсыныс», «Сыйлық әдісі», «Мадақтау сэндвичі» тәсілдері), АББҚ бар оқушылардың жұмысын бағалау мақсатында бағдар картасымен жұмыс тәсілдері кіріктірілді. Кеңейтілген тапсырмаларды қолдануда келесі идеялар жүзеге асады:
1) «нағыз» құзіреттілікті қалыптастыруда;
2) Бірқатар бастапқы және соңғы тақырыптар арасында байланыс орнатуда;
3) Жаттығуларды орындау үшін шығармашылық тәсілдерді қолдануда;
4) Таңдау элементтерінің көмегі арқылы өзін-өзі реттеуді қолдануда мәтін құрастырып, сабағымда зерттеушілік әңгімеде сұрақтар қойылып әңгімеде дәлелдене көрінеді, идеяларды талқылайды, баға береді.
Сыни тұрғыдан ойлауға үйрету модулі бойынша жоғары деңгейдегі (немесе «жуан», «қиын») сұрақтар қою арқылы, оқушыларды өзіндік ойлауға, ақпараттар мен дереккөздермен өздігінен жұмыс жасауға, дербес тұжырым жасап, оны дәлелдермен қуаттауға, проблема шешуге ынталандыру мақсатында «Венн диаграммасы», «Серпілген сауал», «ассоцация», «топтастыру», «Автор орындығы», «Ауызша болжау», «Алдын ала болжау», ««6 қалпақ» әдістері таңдалынды.
|
