Зертхана Санитариялық қағидаларда, стандарттарда және ҚР мемлекеттік бақылаушы ұйымдарының қызметінде қолдануға рұқсат етілген басқа да нормативтік құжаттарда белгіленген зерттеу әдістерін пайдалануы тиіс. Мұндай әдістер зертхана жағдайында оның аспаптық базасының, қосалқы жабдықтарының мүмкіндіктеріне, мамандардың біліктілігіне қарай зерттеулерді орындау үшін жарамды болуы тиіс. Бұл жағдайда халықаралық және аймақтық стандарттарда ұсынылған және зертхананың нақты жағдайларына бейімделген зерттеу әдістеріне артықшылық беру керек. Сонымен қатар, зертханада нормативтік құжаттардың қолданыстағы басылымдарының соңғы нұсқаларын пайдалану туралы ресми растау болуы керек.
