Сценарий ұсынбақпыз. Мына жерден тағы да бір сценариймен таныс боласыздар

Мына жерден тағы да бір сценариймен таныс боласыздар

Жоғарғы оқу орындарына арналған сценарий

1-жүргізуші:

Уа, жарандар, жарандар,

Бәрің бері қараңдар!

Наурыз думан басталды,

Бір сәт зейін салайық.

Ұштасқан оймен мәңгілік

Біздерде бар сан ғұрып,

Ғасырлардан ғасырға

Келе жатқан жаңғырып.

Бермен жақын тұрыңдар,

Сөзіме көңіл бұрыңдар.

Жауқазындай наурыздың

Жарапазан жыры бар.

2-жүргізуші:

Ассалаумағалейкум, ағайын!

Ұлыс оң болсын!

Ақ мол болсын!

1-жүргізуші:

Ұлыс күні кәрі-жас

Құшақтасып көріскен.

Жаңа ағытқан қозыдай

Жамырасып өріскен.

Ұлыс күні қар еріп,

Сай-салалар гүрілдер.

Көк шөбі шығып желкілдеп,

Дүние біткен күлімдер.

2-жүргізуші:

Наурыз тойын жұп жазбай

Қошеметпен қарсы алайық.

Досқа құшақ ашайық.

Өлең-жырға басайық.

Қазақтың бір салты деп

Тойға шашу шашайық.

1-жүргізуші: Қадірлі ағайын, біз бүгінгі мерекелік кешімізді сайыс түрінде өткізуді жөн көріп отырмыз. Алдарыңызда 4 киіз үй тігіліп, яғни, төрт ауыл салтанат құрып отыр. Бүгін осы төрт ауыл мынадай сайыстар бойынша сынға түседі:

І. Ұлттық киім

ІІ. Ұлттық тағамдар

ІІІ. Ұлттық өнер

ІV. Наурызға байланысты сұрақтарға жауап беру.

V. Салт-дәстүрді сахнада көрсету.

2-жүргізуші: Ауылдарымызға «Бәйшешек», «Наурызша», «Қызғалдақ», «Рауғаш» деген аттар бердік.

1-жүргізуші: Уа, ағайын! «Наурызым – бабамның сөзі, Наурызым – анамның сөзі, Ғасырдан ғасырға жеткен Даламның сөзі» демекші, тойды бастамас бұрын үш биімізден бата сұрап алайық:

Төле би рөлінде:

Сұрасаң бата берейін,

Үстем болсын мерейің!

Ықыласпен қол жайсаң,

Ақ тілекті төгейін.

Дастарханың мол болсын,

Абыройың зор болсын!

Қазыбек би рөлінде:

Өрендерің ер болсын,

Көре алмаған бағыңды,

Сындыра алмаған сағыңды

Бетін басып жер болсын!

Әйтеке би рөлінде:

Жарылқа, Алла, қабыл ет,

Жарылқаудың қамын ет!

Ізет, абырой, бақ-дәулет,

Қызыр қарап бақ қонып,

Жақсылық үшін қызмет ет!

2-жүргізуші: Баталарыңыз қабыл болсын дейміз! Алдарыңызда «Наурыз думан» әнімен Бақбергенова Арайлымды шақырамыз.

1-жүргізуші: Алғашқы кезеңімізді бастаймыз. Әрбір ауыл өздері дайындағын киім үлгілерін ортаға шығарса екен (қазақ күйлері қойылады)

Көрініс.

(Күн мен түн ортаға шығады)

Күн: Сәулесі мол күнмін.

Түн: Жұлдызы көп түнмін.

Екеуі: Бірдей болып біздер

Теңелеміз бүгін.

Түн: Ал ертең күн ұзақ,

Күн: Түн қысқарар бірақ.

Екеуі: Ұйқы қанбай қалып

Жүрмеңдер тек жылап.

2-жүргізуші: Бауырласқан тәнтіміз,

Бұзылмаған салтымыз.

Өзге ұлттай біздің де

Бар дәстүр менен салтымыз, - дей отырып келесі кезеңді бастайық. Әділ-қазы алқасы әрбір ауылды аралап, ұлттық тағамдарға баға қояды. Олар өздеріне берілген тапсырманы орындап болғанша өнерпаздарымыздың өнерін тамашалайық: «Наурыз көктем», «Наурыз тойы» әндері орындалады.

1-жүргізуші:

Тойла бүгін, тауларым мен боз далам,

Тойла бүгін, қарттарым мен бозбалам.

Қайта оралған намысымдай Наурызым,

Жаңа жыл боп қош келіпсің, Наурызым!

2-жүргізуші:

Жақындатып өткенге, кеткенге енді,

Көктем келді балбырап, көктем келді.

Суық сорған жаныма шуақ құйған,

Осы еді ғой күткенім көптен бері.

1-жүргізуші. Ауылдарымыз өз өнерлілерін бәйгеге қосады! Бірге тамашалайық! (Төрт ауыл би, ән, күй өнерін көрсету керек)

2-жүргізуші:

Жыр сыйлаған, нұр сыйлаған тірлікке,

Қастерледік, қадіріңді білдік те.

Құтты болсын, ұлыс күні жұмылдыр

Бәрімізді Ынтымақ пен Бірлікке!

1-жүргізуші: Енді ортаға әрбір ауылдың басшыларын шақырайық. Олар Наурыз мерекесіне қатысты сұрақтарға жауап береді.

Жыл басында алғаш жауған қар қалай аталады? (Ақша қар)

Жыл басының алғашқы күні? (Ұлыс күні)

Жыл басының алғашқы желі? (Алтын күрек)

Жыл басының алғашқы төлі? (Дүбір аяқ)

Жыл басының алғашқы сүті?(Уыз)

Жыл басының алғашқы көгі? (Бәйшешек)

Жыл басының алғашқы асы (Наурыз көже)

Жыл басының алғашқы белгісі (Көрісу)

Жыл басының алғашқы сый тамағы (Ұйқыашар)

Жігіттердің қыздарға беретін сыйы (Селтеткізер)

Наурыз айында ұшып келетін көктем құсы (Наурызек)

Наурыз айында өсетін жапырақты, қауашақты түрлі гүл (Наурыз шешек)

Келесі кезеңде ауылдар белгілі бір салт-дәстүрді көрініс етіп қояды: «Бесікке салу», «Тұсау кесер», «Келін түсіру», «Бата беру» т.б.

2-жүргізуші: Барлық кезеңнің тапсырмаларын сәйкесінше орындадық деп ойлаймыз, ендеше әділ-қазылардың бағасын білейік.

1-жүргізуші:

Шыға келді сыланып сылаң келер,

Қияңдағы қиылды қыранға ерлер.

Қызғалдақты кешіп жүр қыр астында

Мың бұрала жүгірген бұраң белдер.

2-жүргізуші:

Арда өсіп, адал емген ақ уызың,

Қалдырған ғасырларға нәрлі ізін.

Көк бөрілі байрағын желбіретіп,

Көк түріктер тойлаған Наурызым!

1-жүргізуші: Наурыз мерекесі құтты болсын! Келесі жылы амандықта жүздескенше!

Дайындаған: Айгерім Сматуллаева

Сурет: vk.com

Наурыз

Міржақып Дулатұлы

Мақпалдай жердің түрі.

Куаныш мал мен жанда,

Қыс шыққан өлмей тірі.

ТОЛЫҚ

Наурыз

Тереземді ашайын - шуақ кірсін.

Ойым, санам әлемге құлақ түрсін!

Қайырлы таң, дүние, қайырлы таң,

Тұңғиық көк, менен не сұрап тұрсың!

ТОЛЫҚ

Айтқали Нәріков‎

Ақыл-ойдың зерегінен жаралып,

Салт-дәстүрдің тереңінен нәр алып,

Наурыз келді! Наурыз келді, жарандар,

Бойға қанмен намыс болып таралып.

ТОЛЫҚ

Наурыз

Елім менен жеріме,

Ырысын шашқан Наурыз.

Күлімдеген көктемге,

Шуағын шашқан наурыз.

ТОЛЫҚ

Гүлсана Тілеубекова

Құлпырып бар алабым,

Мен де жайнап барамын.

Келген елге, Әз -Наурыз,

Құтты болсын қадамың.

ТОЛЫҚ

Наурыз парасаты

Айналаңнан жаңа көктем лебі ескен,

Бұл кезеңде күн менен түн теңескен.

Сан ғасырлық ата-баба салтына

Көпір болған Наурыз өзің емес пе ең?!

ТОЛЫҚ

Ғабиден Қожахмет

Болмасын тек Арудың қабағы мұң,

Жалыны байқалсыншы жанарының.

Мынау Дала сілкінер шағы туды,

Наурыз келіп қалыпты - Жаңа жылың!

ТОЛЫҚ

Наурыз-тілек

Табиғаттың гүл еркесі Көктем күнін өткерсін,

Сол гүл ерке атырапқа жақсылығын ап келсін!

Көктеміне ілесе анық Наурыз кірсе есіктен,

Сол Наурызбен айналаға нұрға толы бақ келсін!

ТОЛЫҚ

Құмарбек Қалиев

Таудан құлап төгіліп, саулап қырдан

Жып-жылы леп жаңартып таңды аттырған

Алты ай қыс арқасына батқан ерден

Тіршілік босанып, бір аунап тұрған

ТОЛЫҚ

Наурыз тілегі

Біреуім екеу болып, мал қосылды,

Қорама жүз-жүз лақ, қозы толды.

Ызғарлы, қыс-зымыстан,суық кетіп,

Аспаннан күн күлімдеп, шырай [қонды] енді.

ТОЛЫҚ

torali

Жыл басталып, нұр ойнайды көгімде.

Жер құлпырып, жасыл желек жамылып,

Нұрын төгіп самалы, есіп өтер жерімде.

ТОЛЫҚ

Наурызға ода

Қанша ғасыр сән берген даламызға

Өзгеше бір әні едің байтақ елдің,

Сәлем, Наурыз!

Сен біздің арамызға

ТОЛЫҚ

Ертай Ашықбаев

Сәні боп даламның,

Әні боп ғаламның,

Қарттың да, баланың,

Тойы боп ананың.

ТОЛЫҚ

Наурыз тойын тойлаймыз

Алақай-ау, балалар,

Айналаға қараңдар:

Бұлттар төгіп көктен нұр,

Гүл тағынып көктем жүр.

ТОЛЫҚ

Несіпбек Айтұлы

Наурызым, сары уызым,

Жүдеп едім сен кетіп.

Қайта келдің, байтақ елдің,

Қуанышын селдетіп

ТОЛЫҚ

Наурыз

Кетіп қыстың ызғары,

Еріп сұсты мұздары,

Наурыз келді көктем боп,

Күлім қағып қыздары.

ТОЛЫҚ

Абдрахман Асылбек

Уа, жарандар, жарандар,

Наурыз келді, қараңдар.

Ұлы күнін ұлыстың

Жақсылыққа балаңдар.

ТОЛЫҚ

Наурыз келді

Наурыз келді күлім қағып,

Тал-теректер бүрін жарып.

Бірін-бірі құттықтайды,

Қыз-жігіттер гүлін алып.

ТОЛЫҚ

Абдрахман Асылбек

Мерекеміз Наурыз –

Халық күткен бақ-ырыс.

Адамдардың аңсары,

Бір-біріне сағыныш.

ТОЛЫҚ

Ару көктем

Ысырып дүлей дауыл, өктем желді,

Көк майса, гүлге орап бөктерлерді,

Шаттықтың шомылдырып шуағына,