Қазақстан Республикасының Мемлекеттік Әнұраны орындалады

1-жүргізуші

Тіл дегеніміз – адаммен бірге пайда болып, қатар жасасып келе жатқан қоғамдық құбылыс. Бұдан біз тілдің адамнан айырылмас серігі екенін көреміз. Тіл арқылы адамдар бір-бірімен пікір алысып, өзара түсінісіп, оны қатынас құралы ретінде пайдаланып отырады. Әр адам өз ойын басқа біреуге тіл арқылы жеткізсе, біреудің ойын тіл арқылы түсінеді.

2-жүргізуші

Тіл халықтың жаны, сәні, тұтастай кескін келбеті, болмысы деуге болады. Халықтың тарихта қалуы тіліне, тілінің сақталуына байланысты. Сол секілді, қазіргі таңда еліміз өз тәуелсіздігіне қол жеткізгеннен кейін мемлекеттік тіліміз – қазақ тілі болып бекітілді. Қазақстан Республикасының «Тіл туралы Заңы» күшіне енді.

1-жүргізуші

Болашағымызды баянды етер басты қаруымыз – тіліміз.Біздің Отанымыз – Қазақстан. Қазақстан Республикасының өз елтаңбасы, әнұраны, туы бар. Сонымен қатар өз тілі бар. 1989 жылы 22 қыркүйекте Қазақстан Республикасының тіл туралы заңы қабылданды.

2-жүргізуші

Ол 1997 жылы қайта өңделіп шығарылды. Ол 6 тарау, 22 баптан тұрады. Оның 4-ші бабында Қазақ тілі – Қазақстан республикасының мемлекеттік тілі делінген.

1-жүргізуші

Тіліміз туралы шағын видеороликке назар аударыңыздар

(Шағын видеоролик)

2-жүргізуші

Тіл – қандай ұлтта, елде болмасын әрқашан қастерлі де құдіретті. Ол әрбір адамға ана сүтімен бірге еніп, қалыптасады. Тіл - әрбір елдің жаны.

1 – жүргізуші

Тіл деген – алып мұхит түбі терең,

Піспегі толқын шашқан күбі ерен.

Қадірін тілдің сұра сақаулардан,

Көзіне жас алып бір күбірлеген.

2-жүргізуші

Тіл деген – жарық жұлдыз аспандағы,

Арманның қиял жетпес баспалдағы.

Қадірін тілдің сұра мылқаулардан,

Көлінен ұшпай қалған қасқалдағы.

1-жүргізуші

Тіл деген – адастырмас темірқазық,

Өрісі магнитінің өмірге азық.

Қадірін тілдің сұра кереңдерден,

Сөйлеуді арман еткен көңіл жазып.

Мұхтар Шахановтың сөзіне жазылған «Рух пен Тіл» әнін қабыл алыңыздар!

Орындайтын: 9сынып оқушысы Избасар Мақсат

2-жүргізуші

1. 
   Қуан далам қуанатын күн бүгін,
   Серпіп таста мұңды дала түндігін.
   Тіл туралы заңым енді күшіне,
   Паш еткендей кескен жаңа кіндігін. (Мәлике – ауған қызы, хазар )
   Ана тілім - ардағымсың киелім,
   Саған ғана мен басымды иемін.
   Ана тілім – қазақ тілім, дарасың,
   Қадірлеймін, шексіз сені сүйемін.
   
   2. Тіл ұстарту, тіл сындыру,
   Сөз сиқырын, кілтін білу.
   Ел мен елді елдестірер,
   Естелікке ұмтылдыру. ( Мұрад - түрікмен)
   Қазақ тілі – халық тілі,
   Тіл аманда – халық тірі.
   Өз тілінде жылағанның,
   Көз жасы да – халық мұңы.
   
   3. Тіл туралы жұрт тілеген салауат,
   Тіл туралы естілмесін жаманат. (Таня - орыс)
   Тіл дегенің, тіл дегенің бұл біздің –
   бабамыздан қалған асыл аманат.
   Туған тілім – аласармас тұғырым,
   Сен құрысаң мен де бірге құрыдым.
   Мерекеңді қуанышпен қарсы алам,
   Ұзақ болсын туған тілім ғұмырың.
   

2. 
   Орындайтындар:. Асқарова Эльмира, Ахметов Ерсұлтан,Тоқсейіт Әйгерім, Ескараев Дастан
   

Туған тілім – тірлігімнің айғағы,

«Қазақ тілі», Мағжан Жұмабаев

Күш кеміді, айбынды ту құлады;

Кеше батыр – бүгін қорқақ, бұғады.

Ерікке ұмтылған ұшқыр жаны кісенде,

Қан суынған, жүрек солғын соғады. 

Қыран құстың қос қанаты қырқылды,

Күндей күшті, күркіреген ел тынды.

Асқар Алтай – алтын ана есте жоқ,

Батыр, хандар – асқан жандар ұмытылды!

Ерлік, елдік, бірлік, қайрат, бақ, ардың,

Жауыз тағдыр жойды бәрін не бардың …

Алтын Күннен бағасыз бір белгі боп,

Нұрлы жұлдыз, бабам тілі, сен қалдың!

Жарық көрмей жатсаң да ұзақ, кен – тілім,

Таза, терең, өткір, күшті, кең тілім.

Тарап кеткен балаларыңды бауырыңа

Ақ қолыңмен тарта аларсың сен, тілім!

Баладай қуанарсың тойға барар. 

Тыңдасаң көне аңыздан көркем нақыл 

Олжам да қанжығама байлап алар. 

Тере білсек бір -бір ауыз қара өлең, 

Неше миллион інжу-маржан шамамен?! 

Қанша гүлден -қазақ тілі бақшасы, 

Қандай дана өлшер қандай бағамен?! 

Ерке тіл, еркелеткіш тілім кенім: 

Еркежан, айналайын, күнім менің, 

Ақ ботам, қоңыр қозым, алтын айым, 

Қанша рет жүрек толқып, сүйінгенің! 

Ана тілім ырысты ма, кұнды ма? 

Деп сұрамас, тегін білген сұңғыла. 

Туған тілде ас қайырған сайын да, 

Оқығандай серпіліп қал бір дұға. 

Шұлғытар орыс тілді Олжастарды, 

Жарқырат қазақ тілі алмастарын. 

Халқына олжа салған айта алады, 

Кім қосты сандығыңа мен қосқанды?! 

Жұпарлы қырда алуан гүлдер таптым, 

Өміршең өзіміздің тілден таптым. 

Тіл екен жемістісі, жұпарлысы, 

Аялап халық баққан гүл мен бақтың.

1 - жүргізуші:

Танытқан қазағымның азаттығын,

Танытқан қазағымның ғажаптығын,

Айналдым құдіретіңнен Қазақ тілім.

Туған тіл - ақыл ой дамуының негізгі және барша білімдердің қазынасы.

Ия, бүгін біз ана тіліміздің құдіреті мен өміршеңдігіне біршама көз жеткізгендей болдық. Ана тілін ұлы мұхитқа баласақ, біз соның жағасына келіп екі алақанымызды қосып тұрып қос уыстап іліп алып ішкендей ғана болдық деп ойлаймын. Оның тереңіне бойлап түбіндегі інжу – маржанын ерінбей – жалықпай тере біліп өзімізден кейінгі ұрпаққа жеткізу біздің парызымыз.