Северо-казахстанский
жүктеу/скачать 1,01 Mb.
|
методичка по диплому
- Бұл бет үшін навигация:
- 1.10 Дипломдық жұмысты (жобаны) қорғау)
| БОЛМАЙДЫ:
слайдтарда үлкен көлемді мәтін болу; слайд арқылы ақпаратты оқу; баяндама мәтінін парақтан оқу. 1.10 Дипломдық жұмысты (жобаны) қорғау)Бітіруші біліктілік жұмысын орындау студенттің тиісті білім беру сатысында оқытудың қорытынды кезеңі болып табылады және өз мақсаты бар: теориялық білімді кеңейту, бекіту және жүйелеу, нақты ғылыми, техникалық, өндірістік, экономикалық немесе ұйымдық-басқару міндеттерін шешу кезінде осы білімді практикалық қолдану дағдыларын меңгеру; дербес теориялық және эксперименттік зерттеулерді жүргізу, жобалау-технологиялық және экономикалық шешімдерді оңтайландыру дағдыларын дамыту; теориялық және инженерлік есептеулердің, тәжірибелік зерттеулердің нәтижелерін өңдеу, талдау және жүйелеу тәжірибесін алу, олардың практикалық маңыздылығы мен қолдану мүмкін болатын саласын бағалауда; өз қызметінің нәтижелерін ұсыну және көпшілік алдында қорғау тәжірибесін алу. Дипломдық жұмысты (жобаны) алдын ала қорғау рәсімі студенттердің қатысуымен және міндетті түрде ғылыми жетекшінің қатысуымен және қажет болған жағдайда ғылыми кеңесшілердің қатысуымен кафедраның ашық отырысында өткізіледі. Алдын ала қорғаудан сәтті өткен және белгіленген талаптарға сәйкес ресімделген аяқталған дипломдық жұмысқа (жобаға) студент, ғылыми кеңесшілер қол қояды және ғылыми жетекшіге ұсынылады. Ғылыми жетекші дипломдық жұмысқа (жобаға) жазбаша пікір жазады. Диплом жұмысын (жобасын) мақұлдаған жағдайда басшы оған қол қояды және қорғауға жіберу туралы өзінің жазбаша пікірімен бірге кафедра меңгерушісіне ұсынады. Дипломдық жұмысты (жобаны) мақұлдамаған жағдайда ғылыми жетекші оған қол қоймайды, бірақ жазбаша пікір жазады, онда дипломдық жұмысты (жобаны) қорғауға жібермеу туралы өз шешімін негіздейді. Осы материалдар негізінде кафедра меңгерушісі осы дипломдық жұмыс (жоба) бойынша түпкілікті шешім қабылдайды, бұл туралы оның титулдық парағына тиісті жазба жасайды. Кафедра қорғауға ұсынған дипломдық жұмыс (жоба) рецензияға жіберіледі. Рецензенттердің қорғалатын дипломдық жұмыстың (жобаның) бейініне сәйкес келетін базалық жоғары білімі және/немесе ғылыми немесе академиялық дәрежесі, ғылыми атағы болуы тиіс. Рецензент дипломдық жұмысқа (жобаға) жазбаша рецензия береді, онда зерттелетін тақырыптың өзектілігі, жаңалығы мен практикалық маңыздылығы, дипломдық зерттеу тақырыбының маманның дайындық бейініне, берілетін академиялық дәреже мен берілетін біліктілікке сәйкестігі, жүргізілген зерттеудің дербестігі, тұжырымдар мен ұсынымдардың болуы, мәселенің шешілу дәрежесі мен зерттеудің аяқталуы көрсетілуі тиіс. Рецензияда баллдық-рейтингтік әріптік жүйе бойынша бағасы және тиісті академиялық дәрежені беру және біліктілікті беру мүмкіндігі көрсетілген дәлелді қорытынды беріледі. Ғылыми жетекшінің қорғауға жіберген, бірақ рецензент F немесе FX «қанағаттанарлықсыз» деген бағаға бағалаған дипломдық жұмысы (жобасы) жалпы шарттармен қорғалады (ҚР БҒМ нормативтік актілерінде осы ереже өзгерген жағдайда – НҚА талаптарына сәйкес). Дипломдық жұмысты (жобаны) қорғау мемлекеттік аттестаттау комиссиясының ашық отырысында жүргізіледі. Дипломдық жұмысты (жобаны) қорғау бітіруші кафедра студенттерінің, оқытушыларының қатысуымен көпшілік түрінде ұйымдастырылады. Қорғауға ғылыми жетекші, дипломдық зерттеу жүргізілген ұйымның өкілдері және басқа да мүдделі тұлғалар да шақырылуы мүмкін. жүктеу/скачать 1,01 Mb. Достарыңызбен бөлісу:
|