Соттасу ұзақ уақыт алады әрі қымбат. Оны білгеніңіз жөн.
Сот Сіздің пайдаңызға шеше ме, жоқ па, оны ешкім білмейді.
Сіз ‑ «менікі дұрыс» дейсіз.
Қарсыласыңыз да тап солай ойлайды.
Сіздің жеңетініңізге ешкім кепілдік бере алмайды. Егер қаласаңыз, жүйкеңізді тоздырмай, уақытыңызды да, ақшаңызды да үнемдеудің бір тиімді жолы бар.
Әлемде Сіздікіндей даулар аз емес. Бірақ, басым көпшілігі Сіз сияқты сотқа жүгіне бермейді. Неге?
Өйткені, ұзаққа созылған тартыстан ортақ келісім әлдеқайда ұтымды деп санайды.
Бұл ‑ бүгінде әлемдік тренд.
Дамыған елдерде даулардың 95% дейіні татуласумен бітеді.
Сот процесінде адамдар бір-бірімен айтысуға мәжбүр. Ондай кезде эмоцияға, тіпті ашу-ызаға берілуі мүмкін.
Әсіресе ерлі-зайыптылардың, туған-туыстардың, достардың немесе кеше араласып жүрген адамдардың соттасқаны жанға батады.
Әріптестер, бизнес-серіктестер немесе көршілер соттасып жатса, тіпті қиын.
Бұл ойланатын жағдай емес пе?
Татуласудың, бітімге, бір мәмілеге келудің пайдасы көп. Нақты айтқанда:
сотқа біраз құжаттарды дайындау қажет болмайды;
мемлекеттік баж төлемейсіз (талап сомасынан 1%, 3%);
