Шығармашылық білім беру саласы Аппликация

• жұмыс тəсілдерін таңдайды жəне негіздейді; қағаздан симметриялық пішіндерді қия алады;
• бірнеше бөліктерден өрнек құрастырады;
• дайын үлгілермен, шаблондармен, трафареттермен жұмыс жасайды;
• геометриялық элементтерден өрнек құрастырады, заттарды қазақ өрнектерімен безендіреді;
• еңбек қауіпсіздігі жəне жеке бас гигиенасы ережесін сақтайды.

І жартыжылдық

1) түрлі пішіндегі қағазда таныс геометриялық элементтерден өрнек құрастыруды үйрету;

2) ұлттық кілемдерді, ас тақтайшаларын, сүлгілерді, қуыршақтарға арналған ыдыс-аяқтарды, ыдыс-аяқ сақтайтын сөмкелерді, қымыз құятын ыдыстарды (торсық), бұйымдарды, шырша əшекейлері мен ойыншықтарын, жаңа жылдық құттықтау ашық хаттарын, топ бөлмесін безендіруге, қыс тақырыбындағы ұжымдық панно жасауға үйрету.

Заттық аппликация.

Дағдыларды қалыптастыру:

1) екіге бүктелген қағаздан, түрлі қатпарлы бейнелерді қиюды;

2) қатпарланып бүктелген қағаздан бірдей бірнеше пішіндерді жəне екіге бүктелген қағаздан симметриялы пішіндегі заттарды қиюды;

3) елестету бойынша бірнеше бөліктерден заттар жасауды;

Сюжеттік аппликация.

Балаларға қағазға заттарды орналастыру дағдыларын үйрету. Жапсыруларды құрастыру барысында объектілердің көлемі бойынша қатынасын, заттардың бөліктерінің пішінін, құрылымын, қатынастарын көре білу іскерліктерін меңгерту.

Дағдыларды қалыптастыру:

1) əлеуметтік жағдайлар мен балалар өміріндегі оқиғаларды бейнелеу;

2) үлгілер жəне трафареттермен, дайын киім үлгісімен жұмыс істеу;

3) өзінің жұмысын композиция, перспектива ережелеріне сəйкес құру;

4) қайшыны, желімді дұрыс қолдану;

5) екі бүктелген қағаздан симметриялық пішіндер қию;

6) геометриялық элементтерден (шеңберлер, шаршылар, сопақшалар) өрнектер құрастыру;

7) заттарды қазақ ою-өрнектерімен безендіру;

8) еңбек қауіпсіздігі жəне жеке гигиена ережелерін сақтау.

• жұмыс тəсілдерін таңдайды жəне негіздейді; қағаздан симметриялық пішіндерді қия алады; бірнеше бөліктерден өрнек құрастырады;
• дайын үлгілермен, шаблондармен, трафареттермен жұмыс жасайды; геометриялық элементтерден өрнек құрастырады, заттарды қазақ өрнектерімен безендіреді;
• еңбек қауіпсіздігі жəне жеке бас гигиенасы ережесін сақтайды.