Кім? Қашан? Қайда?
☺ Студенттер үш топқа топтастыруға болады және әр топқа бір сұрақты таңдап алу ұсынылады. Белсенді оқытудың бұл түрі әдеби шығармаларды немесе тарихи оқиғаларды және т.б. мәселелерді талқылау, талдау барысында қолданылады.
☺ «Кім?» деген сұрақты алған топ тек кейіпкерлер немесе танымал тұлғалар туралы ғана пікір айтады.
☺ «Қашан?» сұрағын алған топ оқиғаның қашан болғанын немесе
тұлғаның өмір жолына байланысты даталарды сөз етеді.
☺ «Қайда?» деген сұрақ тиген топ оқиғаның қайда болғанын айтуы тиіс. Бұл бір тақырыпты бастан-аяқ баяндайтын бір сарындылықтан арылтады. Сонымен қатар, талқылауға бірнеше адамның қатысуына, бір мезгілде көптеген студенттің білімін тексеруге мүмкіндік туады. Жаттанды білімнен гөрі сыни ойлауға да үйретеді. Сонымен қатар, берілген сұрақ төңірегінде ғана пікір айту студенттің оқу материалын меңгергенін де ұқтырады.
Достарыңызбен бөлісу: |
