Қыстырма-модаль сөздер.Сөйлемді контекстке бағынышты етудің
өнімді тəсілінің бірі — қыстырма-модаль сөздерді қолдану. Қыстырма
сөздердің сөйлемде айтылған ойға айтушының көзқарасын білдіретін
түрі де, ойларды қорытындылайтын қыстырмалар да сол сөйлемде беріл-
ген ойдың басқа сөйлемге қатыстылығын көрсетеді, коммуникантты кон-
текстегі əр сөйлемде айтылған ойларды салғастыруға жетелейді. Сон-
дықтан ондай сөйлемдер тиянақты болмайды. Қарапайым түрде айтсақ,
“меніңше” болса, басқаның пікірінше қалай екен, “біріншіден” болса,
екінші, үшіншіден қалай екенін білу қажеттілігі туады. Мұны қыстырма
сөздердің əр түріне байланысты төменде келтірілген контекстердегі ай-
рықшаланған сөйлемдерді көршілес сөйлемдермен салғастыру арқылы
байқау қиын емес. Мысалдар:
1. ... қонақ сыйлау — жеке адамның кісілік қасиетінің қандай екенін ғана көрсетіп қана қоймайды. Сонымен бірге ұлттық психологияны да анықтайтын құбылыс. Бір елде ерлік деп саналатын оқиға — екінші елде күнделікті тіршілікте аяқ басқан сайын кездесе беретін жай нəрсе. Бір елде ұят деп саналатын істің екінші елде ұят саналмайтынын байқау- ға болады. Əр халықтың дүниетанымы əрқилы. Əйтпесе жаны-құты қалмай жүрген мадияр жазушысын сараң дей алмайсың. Асылы, есебі
