Сөз тіркестері мен түйдекті тіркестердің жəне тұрақты тіркес- тердің бастауыш қызметінде жұмсалуы. Сөз тіркесі, түйдекті тіркес
жəне тұрақты тіркестер күрделі бастауыш қызметінде жұмсалады.
Түйдекті тіркестер құрамындағы сөздердің бəрінің не біреуінің лек-
сика-семантикалық дербес мағынасы болмайтынын, олардың сол то-
бымен сөйлемде бір ғана мүше болатынын М.Балақаев атап көрсеткен
еді. Тұрақты тіркестер де сол тобымен бір сұраққа жауап беріп, сөйлемде
бір ғана мүше қызметінде жұмсалады.
Түйдекті тіркестердің бастауыш қызметінде жұмсалуы: Жануарлар тегіс жанданып, құрт-құмырсқаға дейін тірілді (Ғ.Сланов). Биіктен қарасаң, қала үйі көк түтін («Ақ жол»). Тұрақты тіркестердің бастауыш қызметінде жұмсалуы: Олжаға иегі қышығандар құмалақ ашып, балгерлікпен əуреленеді (Т.Əлімқұлов). Белгібай қарттың қысыр əңгімесі жүрегін тас төбесіне шығарды (Ғ.Мұстафин).
