Түрленбейтін сөз таптарының бастауыш қызметінде жұмсалуы. Түрленбейтін сөз таптары – үстеу, шылау, еліктеу сөз жəне одағайлар.
Түрленбейтін сөз таптары да субстантивтеніп бастауыш қызметінде
жұмсалады.
Үстеудің бастауыш қызметінде жұмсалуы. Бүгін – мереке. Бəріміз колхоз клубына жиналдық (Б.Соқпақбаев). Үстеудің заттанып келіп, атау септігінде, тəуелдік тұлғада бастауыш
қызметінде жұмсалуы: Еріншектің ертеңі таусылмас (Мақал).
Айтылған ой мен сөйлемге негіз болса, шылау, еліктеу сөз, одағай да
сөйлемде бастауыш бола алады.
Шылаудың бастауыш қызметінде жұмсалуы:
«Ғана» - шектік демеулік, «түгіл» - салыстырмалы демеулік (грамма-
тикалық ереже).
Еліктеу сөздердің бастауыш қызметінде жұмсалуы: Төргі үйдегілер көңілді. Болыс қарқ-қарқ күледі. Ал «мырс-мырс» - атшы жігіттің күл- кісі (С.Көбеев). Одағайдың заттанып бастауыш қызметінде жұмсалуы: Күн өткен сайын əттеген-айлары көбейіп барады (С.Көбеев).
