ІІІ. ІС-ТӘЖІРИБЕЛІК БӨЛІМ
3.1.4-5 жастағы балаларға арналған қимыл-қозғалыс ойындары
Мен, өзімнің дипломалды іс-тәжірибемді Семей қаласы, «Erudit kids» балабақшасы, «Happy» ортанғы тобында өттім. Топта 31 бала. Іс-тәжірибие барысында балаларға күнделікті қимыл-қоғалыс ойындарын өткізіп отырдым. Топта ұлттық ойындар, спорттық ойындар, сюжетті рөлді ойындар, сюжетсіз рөлді ойындарды ойнатып, балалардың шығармашылық қабілеттерін дамытуға жағдай жасадым.
Ойын–баланың бірінші әрекеті, сондықтан да оның мән–мағынасы ерекше. Қазақ халқының ұлы ойшылы Абай Құнанбаев: «Ойын ойнап, ән салмай, өсер бала бола ма?», - деп айтқандай, баланың өмірінде ойын ерекше орын алады. Мектеп жасына дейінгі балалардың зейіні тұрақсыз болады. Оларды біркелкі жұмыс тез жалықтырады. Сондықтан олардың зейінін үнемі қажетті бағытқа аудару үшін қимыл-қозғалыс ойын түрінде жүргіздім. Өйткені ұйымдастырылған оқу іс-әрекетінде алған білімді ойынмен тиянақтау білімнің беріктігіне негіз қалайды. Ойын барысында баланың жеке басының қасиеттері қалыптасып, баланың қуанышы мен реніші ойында айқын көрінді. Ойын кезіндегі баланың психологиялық ерекшелігі мынада: олар ойланады, эмоциялық әсері ұшқындалады, белсенділігі артады, ерік қасиеті, қиял елестері дамиды, мұның бәрі баланың шығармашылық қабілеті мен дарынын ұштайды.
Достарыңызбен бөлісу: |
