3-жүргізуші:
Боранмен буып белді,
Жаңа жыл тағы келді.
Берекесін ала келсін,
Нұрға бөлеп біздің елді.
1-жүргізуші:
Келді тағы жаңа жыл,
Қуантумен біздерді.
Құтты болсын қуаныш,
Құттықтаймыз сіздерді, -дей келе ортаға 8 қ/т-сынып оқушыларын, қол соғып қарсы алайық! («Флешмоб» биі)
2-жүргізуші:
Жаңа жыл, жаңа жыл.
Жаңа жылда-жаңа жыр.
Жасыл шырша жанында
Жадырап бар бала жүр.
3-жүргізуші:
Тамаша, тамаша!
Шыршамыз тұр жараса.
Басында әсем жұлдызы
Көз тоймайды қараса.
Ортаға 8 а-сынып оқушыларын шақырамыз.(жеке ән)
Аяз Ата: Әй, бәрекелді! Осы мерекеде күміс көмей, жез таңдай әншілер бар деп еді, мына әсем әуеннен көңілім көтеріліп қалды.
Ақша қар: Ата, әуелетіп ән салар әншілер ғана емес таланнты өнерпаздар бер деп те естіп едім. Мен сол өнер көрсетер таланттарды күтіп отырмын.
3-жүргізуші: Әрине біздің барлық оқушыларымыз өнерлі. Қане достар өздерің хабарлап жіберіңдерші!
1-жүргізуші:
Жаңа жыл – жаңа әннің тербелуі
Жаңа жыл – ақ арманның өрленуі.
Жаңа жыл – партадағы лүпілдеген,
Кішкентай шәкірттердің ержетуі
2-жүргізуші:
Жаңа жыл – жаңа қадам, жаңа бақыт,
Болашақ сыйлайтындай жаңа бақыт.
Доңыз жылы кеп қалды ортамызға,
Жақсылықпен жалғасын жаңа уақыт-деген ерекше құрметпен 9а-сынып оқушыларын шақырайық. (Көңілді тапқырлар клубы)
3-жүргізуші:
Ал, халайық, тұрмайық
Әндетейік, жырлайық
Ортамызды ашайық
Ырыс тілеп бұл жылға
Жырдан шашу шашайық!
1-жүргізуші:Көңілді кешімізді ары қарай жалғастыру үшін ортаға 9 қ/т- сынып оқушыларын шақырайық. (Флешмоб)
Аяз Ата: Ақша қар, қызым осы топпен бізде қосылып билесек қалай қарайсың? Жас кезімде жақсы билейтін едім.
Ақша қар: Ата, шырша кеші өте көңілді өтіп жатыр, билесек билейік!
2-жүргізуші:
Барлық жандар бір білікке қосқан үн,
Бақытты боп бастады жыл дастанын.
Қуанышпен келді той деп жаңа жыл,
Құтты болсын жаңа бақыт достарым, - дей отырып, ортаға 9 х/б-сынып оқушыларын шақырайық.«Жаңа жылдық ән» Ортада Болатқызы Мерей, Амантай Берекені қарсы алыңыздар.
Достарыңызбен бөлісу: |
