«..Дүниеде теңіз терең емес, адамның жаны терең..- дей келе, …адам жан сырын тіл арқылы сыртқа шығарады, басқалардың жан сырын ұға алады», -деп баланың оқыту кезіндегі психоло-гиясын ескеріп отыру, оқушымен жақсы қарым-қатынас орнату қажеттілігі жайында әдістемелік тұрғыда жол көрсетеді.
М. Жұмабаев (1893-1938)
Ғалымның «Педагогика»сы (1993) оқу, оқушы үшін қажетті материалдарды жинақтап, мұғалімнің әдістемелік мамандығын байытады.
«Буын жігін қалай табуға болады?» деген еңбегі буын жүйесінің маңызын, оның жігін дұрыс талдауды үйретеді. «Буын жігін, буын сырын анық, жете білмей тұрып, шын сауатты болып кете алмаймыз, оқытушы мұны ұмытпай, буын жүйесін толық түсіндіріп оқыту керек»,-дейді.
Қ. Жұбанов (1899-1938)
Ғалым «Баяндау, талдап түсіндіру нақтылы тілдік фактілермен дәлеледеу, грамматикалық категорияларды ұштастырып отыру, көрнекілік жолдармен түсіндіру» сияқты әдістерді мол қолдануды ұсынды. «Қиынын тауып қаламасаң, бай-лауын тауып ұстатпасаң, сөз бөлшектері де сөгіліп кетеді» деп әдістеменің жүйелі түрде қаралуын ескертеді.
