2.Үлкен айналым. Бұл ылғалдың ауа ағындарының күшімен мұхиттардың үстінен құрлықтарға тасымалдануы және оның құрлықтардың бетіне жауын-шашын ретінде түсіп, мұхиттар мен теңіздерге жер беті немесе жер асты жолымен қайта оралу процесі.
Қорытынды
Жер шарының шамамен ¾ бөлігін үздіксіз шетсіз-шексіз су қабаты - әлемдік мұхит алып жатыр. Құрлықтар арасында орналасқан, көлемі үлкен, өзіндік жеке су және атмосфера айналымы бар, айтарлықтай гидрологиялық режимімен ерекшеленетін әлемдік мұхиттың бөліктерін мұхиттар дейміз. Мұхиттар – теңіздерге, шығанақтарға және бұғаздарға бөлінеді.
Теңіз – мұхиттың құрлыққа сұғына кіріп орналасқан немесе оның өзге бөліктерінен құрлық жағалаулары, түбектер немесе аралдармен бөлектеніп жатқан кішігірім бір бөлігі.
Шығанақ – мұхиттың немесе теңіздің құрлыққа сұғына кіріп жатқан және ашық теңізден немесе мұхиттан әлсіз түрде ерекшеленетін бөлігі.
Бухта - мұхиттан, теңізден аралдар немесе мүйістер арқылы мықтап бөлінген кішігірім шығанақ. Лиман – теңізден құм қайырымен бөлінген шығанақ. Губа – Ресейдің солтүстігінде кең тараған шығанақ. Ол құрлыққа тереңдей кіріп жатады, оған өзендер келіп құяды. Бұғаз – құрлықтың екі үлескісін екіге бөліп жатқан және жеке мұхиттар мен теңіздерді немесе олардың бөліктерін жалғастыратын су кеңістігі.
Әдебиеттер тізімі:
1. Ж.Достайұлы. Жалпы гидрология. – Алматы: Білім. 1996.
2. Михайлов В.Н., Добровольский А.Д. Общая гидрология. – М: Высшая школа. 1991.
3. Омаров Т.Р. Қазақстанның өзендері мен көлдері. – Алматы: Қазақстан. 1975.
