Заң тілінің стилін егжей-тегжейлі қарастыру үшін тілдік ерекшеліктерді қарастырған жөн.
Нормативтік акт стилінің өзіндік ерекшелігі оның жақсыздығы. Осыған байланысты нормативтік актіде ешқандай нормативтік актіні әзірлеушінің жеке басының белгісі, нормативтік құжатты ұсыну тәсіліне ешқандай нұсқаулар болмауы керек, эмоциялар болмауы керек, сонымен қатар стилистикалық тұрғыдан салыстыру, метафоралар, гиперболаларды және т. б. қолдануға болмайды.
Құқық нормалары шағын түрде баяндалуы тиіс. Кез-келген нормативтік актінің мәтіні анық, дәлелдерсіз, ғылыми пікірталастарсыз және эмоционалды сипаттамаларсыз болуы керек.
Құқық нормаларын жүйелі баяндау. Талаптардың бұл түрі құқық нормалары арнайы әлеуметтік қалыптасудың бастапқы элементтері ретінде ішкі өзара байланысты, өзара келісілген және сәйкесінше өзара тәуелді болуы керек.
Құқықтық терминдер құқықтық қатынастардың барлық субъектілеріне түсінікті болуы үшін нормативтік актің авторы (норма беруші) анықтамаларды –қоғамдағы қатынастарды реттемейтін, яғни жалпы мінез-құлық ережелерін қамтымайтын, бірақ термин белгілі бір заңды терминнің мағынасын ашатын арнайы құқық нормаларын қолдануы керек. Анықтамалар ғылымда қалыптасқан ұғымдар деп те аталады. [2,96]
