Тақырып: Кіріспе. Білім беру философиясы Білім беру – кәсіби іс-әрекет жүйесі мен құзыретті маман қалыптасу нәтижесі Мақсаты
жүктеу/скачать 231,15 Kb.
|
- Бұл бет үшін навигация:
- «Педагогикалық мамандыққа кіріспе»
| Кәсіби білім беру саласындағы «Педагогикалық мамандыққа кіріспе» курсының рөлі мен орны. Жас ұрпақ тәрбиесіне барынша алаңдау, білім беру сапасын жоғарлату қазіргі өмір талабы. Осыған орай педагогикалық парадигмалардың жаңару жағдайында болашақ педагогтерді даярлау саласына көптеген өзгешеліктер енгізілуде. Жоғарғы білім беру стандарттарының мазмұны қайта қарастырылып, үздіксіз білім беру бағытында «ҚР ның жаңа формациялы педагогіне үздіксіз білім беру тұжырымдамасы», «ҚРның жоғарғы педагогикалық білім беру тұжырымдамасы» жасалған. Орта білім беру саласындағыдай кәсіптік білім беру саласында да жаңа буын оқулықтары, оқу құралдары, оқу бағдарламалары жазылуда. Ақпараттық заманның тез өзгеруіне байланысты жоғарғы оқу орындарындағы оқулықтардың да мазмұндары жиі жаңартуды қажет етеді. Болашақ мұғалімдерді даярлауда арнайы пәндермен қатар әлеуметтік-гуманитарлық пәндердің де алатын орны ерекше. Ал тікелей ұстаздыққа байланысты теориялық білімдермен қаруландыратын және практика жүзінде іскерлік пен дағдыларын қалыптастыратын педагогикалық пәндердің маңызы зор. Педагогикалық пәндердің ішінде «Педагогикалық мамандыққа кіріспе» атты курс болашақ мұғалімдер үшін кәсіби бағыт-бағдар беретін бастапқы пән болып табылады. «Педагогикалық мамандыққа кіріспе» курсының мақсаты - болашақ мұғалімдерді педагог қызметінің әлеуметтік жауапкершілігімен, гуманитарлық маңыздылығымен таныстыру және олардың бойында педагогикалық қызметке қажетті педагогикалық бағыттылықты, кәсіби құзыреттілікті қалыптастыру болып табылады. Бұл пәннің негізгі міндеттері:
- қазіргі дүниежүзілік білім беру кеңістігінде білім берудің әлеуметтік-экономикалық мәнін ашып көрсету; - мұғалімдік кәсіпті меңгеруге деген жағымды ынтаны қалыптастыру; - студенттердің болашақ кәсіби іс-әрекеттерінің шығармашылық сипатын саналы түрде түсінулеріне мүмкіндік туғызу; - әр студенттің мұғалімдік сапасын дербес қалыптастыруға, өздерін өздері шыңдап іске асыруға жағдай жасау. Қарастырылып отырған пән студенттерге таңдаған кәсіптері бойынша терең теориялық, практикалық, әдістемелік, технологиялық көмек көрсетіп, педагогикалық шеберліктің негіздерін түсінуге, шығармашылықпен жұмыс істеуге үйретуде зор септігін тигізеді. Педагогикалық мамандыққа даярлауда студенттердің жеке тұлға ретінде өсуі, жан-жақты дамуы байқалады, себебі олар басқаларға тәрбие беру үшін ең алдымен өздері тәрбиелі болуға тиісті. «Педагогикалық мамандыққа кіріспе» сабақтарында студенттерге теориялық білімдерді меңгертумен қатар түрлі тренингтер жүргізу, практикалық ситуацияларды талдап шешу, тесттер мен сауалнамалар арқылы өздерін болашақ маман ретінде зерттеуге үйрету көзделеді. Педагог кәсібімен айналысатын адам үнемі бақылау үстінде болатыны анық. Мұғалімдікті таңдаған адам басқаларға үнемі үлгі-өнеге көрсете алуы керек, себебі бұрыннан бері халық арасында ұстаз беделі, ұстаз абыройы жоғары бағаланған. Оның білімімен, ақылдылығымен қатар сөйлеген сөзі, киген киімі, жүріс-тұрысы, айналасындағы адамдармен қарым-қатынасы барынша үйлесімді, жарасымды болуы шарт. Осындай талаптарға сай даярланған болашақ ұстаздар тұлғасы жаңа сапалы деңгейлерге көтеріліп, жылдан жылға дамып, бәсекеге барынша қабілетті, қоғам болашағына елеулі үлестерін қоса алатын, кәсіби құзыретті болулары өте маңызды. Болашақ мұғалімдерді даярлау барысында қарастырылып отырған пән негізінде білім берудің әлеуметтік сипаты, мұғалім еңбегінің қоғамдық мәні, жас мамандардың қоғам болашағы алдындағы жауапкершіліктері қарастырылады. Қазіргі нарықтық экономика жағдайында қоғамдық, өндірістік қатынастардың сипаттары өзгеріп, жаңа тұрпатты мұғалім даярлауда оның бәсекеге қабілеттілігі, шығармашылығы заман талабы. Бәсекеге қабілетті ұстаз - жаңа ғылыми білімдерді іздеуге, меңгеруге дайын, тез және дұрыс шешім қабылдай алатын, өзінің кәсіби қабілеттеріне сенімді, шығармашыл, кәсіби құзыретті тұлға ретінде сипатталады. 2004 жылы қабылданған және бекітілген «Қазақстан Республикасының жоғарғы кәсіби білім берудің (бакалавриат) Мемлекеттік жалпыға міндетті стандарты» маманның құзыреттілік моделіне негізделген. Бұл стандарт бойынша жоғарғы оқу орнын бітірушілер тұлғасына қойылатын негізгі талаптар анықталған. Болашақ мұғалімнің кәсіби құзыреттілігі оның өзін іске асыра алу біліктілігіне, өзін жетілдіріп дамыта алу іскерлігіне байланысты болады. Тек осындай қабілеттіліктерді қалыптастыру арқылы ғана мұғалім табысты нәтижеге жетіп, педагогикалық еңбектің шыңына қол жеткізе алады. жүктеу/скачать 231,15 Kb. Достарыңызбен бөлісу:
|