Тапсырмалар 1-тапсырма. Мәтінді композициялық құрылымына, жанрлық-стильдік ерекшеліктеріне қарай ажыратыңыздар

Әлихан билік және саясат ісіне үзіліссіз, тұрақты түрде араласып отырған дәстүрлі отбасында дүниеге келді.

Қоғамдағы өзгерістердің беталысын түсінген қазақ ақсүйектері өз балаларын орыс мектептеріне оқуға бере бастайды. Сауатын ауыл молдасынан ашқан Әлихан білімін Қарақаралыдағы үш жылдық орыс-қазақ училищесінде жалғастырып, сонан соң Омбыдағы техникалық училищені аяқтайды. Бұл кезде жиырма төртке толған Әлихан оңы мен солын танып қалған азамат еді. Тура сол жылы ол Санкт-Петербург императорлық орман шаруашылығы институтына қабылданып, Қарқаралы уездік қазақ қоғамының стипендиясына сүйеніп оқи бастайды. Ресей астанасындағы жоғары оқу орнында білім алу оның өз заманына лайық маман және белсенді саяси тұлға болып қалыптасуына жол ашады.

«Алаштану мәселелері» кітабынан