4-тапсырма. Мәтіннің тұтастығы мен байласымын жүзеге асырып тұрған
тілдік бірліктерді тауып, дәлелдеңіз.
Ең әуелі, арзан мен қымбаттың парқын айырмайсың. Өзіңдегі барыңды арзан ұстайсың. Бұлдай білмейсің. Көп күлкіге, болымсыз ермекке асылыңды шашасың. Жайдақсың. Жайдақ суды ит те, құс та жалайды. Екінші, дос пен қасты сараптамайсың. Досқа досша, қасқа қасша қырың жоқ. Ішіңде жатқан сыр ұшығы жоқ. Жұрт бастайтын адам ондай болмайды. Басына ел үйірілмейді. Үшінші, орысшылсың. Солай қарай ден қойып барасың. Дін, мұсылман жат санайтынын ескермейсің.
М.Әуезов.
5-тапсырма. Күрделі фразалық тұтастықтың мағыналық, коммуникативтік және құрылымдық ұйымдасуын анықтаңыз. Ол үшін оның суреттеу, әңгімелеу, ойталқы түрлерінің қайсысына жататынын дәлелдеңіз.
Таныс өлке,
Таныс аймақ,
Таныс маң:
Анау жерде құрбылармен алысқам,
Анау жерде құрбы жанмен танысқам.
Алба-жұлба ақша бұлттар жарысқан.
Таулар әне, ұйықтап кеткен данышпан.
Жолдар анау, шұбатылып шаңы ұшқан,
Таныс өлке, таныс аймақ, таныс маң
М.Мақатаев.
Достарыңызбен бөлісу: |
