Жер күн сәулелері тасқыны астында айналып тұрады. Оған күннің шығарған бүкіл сәулесінің екі миллиардтан бір бөлігі ғана келгенімен, мұның өзі жылына 1,36-1024 кал. құрайды. Күн энергиясының осындай мөлшерімен салыстырғанда Жер бетіне келетін басқа энергияның барлық кірісі өте мардымсыз. Мәселен, жұлдыздардың сәулелік энергиясы келетін күн энергиясының жүз миллионнан бірін, космостық сәуле шашу — екі миллиардтан бірін құрайды, Жердің ішкі жылуы оның бет жағында күн жылуының мыңнан бір үлесіне тең. Радиация – күннен келетін сәулелердің қуаты. Жер бетіндегі және атмосферадағы барлық табиғи процестердің негізгі энергия көзі - Күннен келетін сәулелік радиация. Ол радиация 300 000 км/с жылдамдықпен электромагниттік толқын ретінде Күннен жан-жаққа таралады. Күн радиациясының ұзындықтары бойынша жіктелуін спектр деп білеміз. Қысқа толқынды радиацияға ұзындығы 0,1-4 мкм (микрометр), ал ұзын толқынды радиацияға ұзындығы 4-120 мкм сәулелер жатады.
Көзге көрінетін сәулелер жеті түстерге жіктеледі; қызыл, қызғылт сары, сары, жасыл, көгілдір, көк, күлгін. Барлығының қосындысы ақ түсті береді.
Көзге көрінетін сәулелер жеті түстерге жіктеледі; қызыл, қызғылт сары, сары, жасыл, көгілдір, көк, күлгін. Барлығының қосындысы ақ түсті береді.
