| (Ұ/ОТ) 2-тапсырма. Музыка тыңдау. Зерттеу. Талдау. Бұл тапсырманың мақсаты: салыстыру əдісі арқылы Прометей («Поэма огня» – «От туралы поэма» үзіндісі, музыкасын жазған: А.Н. Скрябин) мен «Жалын биі» пьесасындағы (музыкасын жазған: С. Еркімбеков) оттың бейнесін екі түрлі шығармада музыкалық көркемдік құралдар мен орындалу ерекшеліктері арқылы композиторлар қалай бейнелегендігі туралы оқушыларға түсіндіру.
Тыңдау алдында оқушыларға мынадай ақпарат береді. М. А.Н. Скрябиннің «Прометей» («Поэма огня») симфониялық поэмасы 1910 ж. жазылған. Ғылыми мəліметтерге қарағанда, поэманың негізіне Прометей туралы ежелгі грек аңызы алынған. Аңыз бойынша
«Прометей Олимптен отты рұқсатсыз алып кетіп, адамдарға сыйлаған. Ол адамдарды надандықтан шығарып, еңбекке баулыған, көп көмектескен. Олимптегі құдайлар осыны кешірмей, Прометейді мəңгі жартасқа байлап қойған».
А.Н. Скрябиннің ерекше қасиеті – ол музыканы түрлі түстер арқылы сезетін. Ол осы шығарманы орындау үшін симфониялық оркестр құрамына хор жəне «жарық партия» партитурасын енгізген. Композитордың ойынша, прожектор сəулелері музыкамен бірге түрлі түстерді ауыстырып тұру керек. «Прометей» симфониялық поэма – бір бөлімді симфониялық шығарма.
Достарыңызбен бөлісу: | 
