262. 1979 жылғы маусымның 16-сы күні қазақ жастарының үлкен бір тобы Целиноград қаласының орталығындағы Ленин атындағы алаңға жинала бастады.
263. 1979 жылғы 19 маусымда болған шеруде облыс басшылары Ақмола жерінде ешқандай автономия құрылмайтынын мәлімдеді.
264. 1964 жылдың қазан айында болған пленумында КОКП Орталық Комитеті шаруашылық мәселелерін шешудегі субъективтілікті, валюнтаристікті және өктемдікке әуестікті айыптады.
265. 1967 жылдың соңына таман республиканың барлық өнеркәсіп орындарының 10%-ын құрайтын 193 кәсіпорын жаңаша жұмыс істей бастады
266. 1970 жылға қараған мерзімде республика кәсіпорындарының 80%-ы жоспарлаудың жаңа жүйесі бойынша жұмыс істеуге көшті.
267. 1960-1980 жылдары республиканың отын-энергетика кешені бірсыдырғы жоғары қарқынмен дамыды.
268. 1960 жылдардың екінші жартысында Жамбыл электр станциясы салынды.
269. 1972 жылы Қапшағай электр станциясы салынды.
270. 1970 жылы Республикада 34,7 млрд вВт/сағ электр қуаты өндірілді.
271. 1970 жылдар ішінде Қазақстанда көмір өндіру айтарлықтай өркендеді.
272. 1984 жылы Қазақстанда шығарылатын көмірдің көлемі 1970 жылмен салыстырғанда екі еседен астам артты, жылдық өнімі 125,5 млн тоннаға жетіп, Одақ бойынша өндірілетін көлемнің 17,6%-ын құрады.
273. 1960 жылдардың екінші жартысында Маңғыстау түбегінде мұнай өндіру мен өңдеу жұмыстарының көлемі арта бастады.
274. 1965 жылы Жаңаөзеннен алғашқы мұнай алынды.
275. 1970 жылдардың алғашқы жартысында Қазақстанда мұнай өнеркәсібін дамытуға бөлінген қаржы бұдан бұрынғы бесжылдықтағыдан екі есе артты.
276. 1960 жылдар ішінде Лениногор мырыш зауыты, Өскеменде титан-магний комбинаты салынды.
277. 1970-1980 жылдары Шығыс Қазақстан мыс-химия комбинаты салынды. Жезқазғанда(№2), Жезкентте, Қашарда, Қарағандыда жаңа кен байыту комбинаттары, Павлодар алюминий зауыты іске қосылды.
278. 1984 жылы темір өндірудің жылдық өнімі 24 млн тоннаға жетті.
