309. 1946-1956 жылдар аралығында республиканың кәсіптік-техникалық білім беру жүйесінде 344,5 мың жас маман жұмысшылар дайындалды.
310. 1954 жылдан бастап ашыла бастаған, негізінен, орта білімі бар жастар қабылданған техникалық училищеде фразерлер, машина жүргізушілер, краншылар, экскаваторшылар, т.б. мамандар дайындалды.
311. 1965-1966 оқу жылында 39 жоғарғы оқу орындарында 144,7 мың студент оқыды.
312. Соғыстан кейінгі 20 жыл ішінде жоғары білімді мамандар даярлау 11 есеге жуық өсті.
313. 1965 жылы республика халық шаруашылығында 0,5 млн-нан астам дипломды маман жұмыс істеп жатты.
314. 1970 жылдар ішінде жалпыға бірдей орта білім беруге көшу науқаны өріс алды.
315. 1980 жылдардың басында жалпыға бірдей міндетті орта білім берудің жүзеге асқандығы жарияланды.
316. 1984 жылы кезекті мектеп реформасы басталды.
317. 1970 жылдар ішінде ірі агрокешендер құрылып, «болашағы жоқ» елді мекендер қараусыз қалғанда олардағы жүздеген мектептер жабыла бастады.
318. 1950-1970 жылдар ішінде сабақ орыс тілінде оқытылатын мектептердің саны 1,5 мыңға артқанда, қазақ мектептерінің саны кеміп, 3891-ден 2577-ге жетті.
319. 1980 жылдардың ортасында республикадағы ЖОО-ның саны 55-ке жетті.
320. 1980 жылдардың ортасында республикадағы орта арнаулы оқу орындарының саны 246-ға жетті.
321. 1980 жылдардың ортасында республиканың жоғарғы және орта арнаулы оқу орындарынан 550 мыңға жуық студенттер мен оқушылар 200 түрлі мамандықтар алып шықты.
322. 1960-1970 жылдары Қазақ КСР Ғылым академиясы КСРО-дағы ірі ғылыми орталықтардың біріне айналды.
323. 1970 жылдар ішінде құқықтық ғылымда жаңа бағыттар пайда болды.
324. 1969 жылы Есік қаласының жанындағы қорғаннан біздің заманымызға дейінгі IV-ІІІ ғасырларда өмір сүрген сақ жауынгерлерінің киімімен қару-жарағы табылуы дүниежүзі тарихшыларының назарын аударды.
325. 1960 жылдары жергілікті ұлт өкілдері қоныстанған ауылдарда ғана қазақша тілдік орта сақталып қалған еді.
