Травматология
АШЫҚ СЫНЫҚТАРДЫ ЕМДЕУДІҢ НЕГІЗГІ ПРИНЦИПТЕРІ
жүктеу/скачать 6,59 Mb. Pdf көрінісі
|
ЖОНКИН Травматология және ортопедия
|
АШЫҚ СЫНЫҚТАРДЫ ЕМДЕУДІҢ НЕГІЗГІ ПРИНЦИПТЕРІ Терісі зақымдалып сүйек сынған жағдайда оны ашық сынық деп атайды. Ашық сынық қозғалыс-тірек аппараттары зақымдалуының ең күрделі және ауыр түрлері болып есептеледі. Себебі, ашық сынық болғанда бұлшықеттер езіліп, мыжғыланады да, осы жара арқылы түскен микробтар өсіп-өнуге мүмкіндік алып сынған сүйектің және зақымдалған бұлшықеттердің бітуіне үлкен қиындық тудырады. Ашық сынықтың симптомдары (белгілері) жабық сынықтардыкіндей болады. 26 Ашық сынықтың келешектегі жазылу нәтижесіне бірінші көрсетілген дәрігерлік көмектің мәні өте зор. Ашық сынық болғанда жараны таңу қажет. Егер қан кеткендей болса оны тоқтату үшін бұрау (жгут) салу керек және сынықты бекіту үшін аяққа не қолға таңғыш салынады. Бірінші дәрігерлік көмек көрсеткенде жарақаттанған адамға сіреспеге қарсы сарысу егіледі. Егерде жарақаттанған адам шок күйінде болса оған шоққа қарсы ем жасалады да, шоктан шығарылғаннан соң сынған жерін рентгенде екі қалыпта жасап, ауруды операциялық бөлмеге апарып бірінші хирургиялық тазарту жасалады. Жарақаттарды бірінші хирургиялық жолмен тазартудың негізгі мақсаты - жарақаттың өлі еттенген және жансызданған жұмсақ тіндерін (бұлшықет, апоневроз, тері асты май қабатытағы басқалары) аяқ-қолдың бұдан былайғы қызметіне нұқсан келтірмейтіндей етіп мүмкіндігінше толық сылып алып тастау, ашық жараны жабыққа, ашық сынықты жабық сыныққа айналдыру және де микробтардың өсіп-өнуіне мүмкіншілік бермеу болып есептеледі. жүктеу/скачать 6,59 Mb. Достарыңызбен бөлісу:
|