«ТҮркі әдебиеті бастаулары: зерттеу мәселелері мен оқыту әдістемесі»
жүктеу/скачать 3,17 Mb. Pdf көрінісі
|
|
ҰЛТТЫҚ ҚҰНДЫЛЫҚТАР – ТӘРБИЕ НЕГІЗІ Қоңырбаева Сараш Сахиқызы Әл-Фараби атындағы ҚазҰУ, Педагогика және білім беру менеджменті кафедрасының қауым. профессоры, п.ғ.к. Алматы қаласы Аңдатпа. Жаһандану аясында басты мәселе саналатын ұлттық құндылықтардың сақталуының маңызы, құндылықтардың мәні, оның тәрбиедегі орны жан - жақты ашылған. Ұлттық құндылықтар жүйесі кестеге түсіріліп және олардың жіктелуі әлеуметтік - мәдени, рухани - адамгершілік, мәдени - мұралық тұрғыдан қарастырылған. Сондай - ақ, құндылыққа негізделген тәрбиенің талдану жүйесінда құндылықтардың өзгеруі мен оны қалпына келтіру сызбамен көрсетіледі. Құндылықтардың өзгеру себептері мен салдары да нақты мысалдармен түсіндіріледі. Қазақстанның отыз жылдан астам тәуелсіздігі аясында сақталуға тиісті ұлттық құндылықтары ұлттық мүдде ретінде тәрбиеде басшылыққа алуының қажеттілігімен қорытындыланған. Кіріспе. Жаһандануға бет бұрған қалпымызда ұлттық ерекшелігімізге негіз болып табылатын ұлттық құндылықтарымызды сақтау және ұлттық ұрпақ тәрбиесі мәселесінің маңыздылығы айқын. Біздің зерттеуімізге өзек болғалы отырған «ұлттық құндылық» ұғымы тек бүгінгі күннің мәселесі деуге болмайды. Адамзат тарихында адами құндылықтар өмірдің мәні мен мағынасы, маңызы болды. Бұл ғылым ретінде зерттеліп, зерделеніп тамырын тереңге жібергендігіне тарихи деректер дәлел бола алады. Құндылықтар туралы алғашқы түсінік антикалық заманда өмір сүрген Сократтан бастау алады. Сократ «игілік» деген 47 ұғымды жеке - дара қарастырып, оған ерекше мән беруінің өзі құндылықты болмысқа жақындатқаны. Платон үшін құндылық – өмір сүру. Аристотель үшін құндылық – адамның даналығы, яғни қандай да болсын, құнды нәрсені таба білуі. Софистер үшін құндылық – «Адамның өмірді бағалауы». 1- кесте. Құндылықтардың мәні жүктеу/скачать 3,17 Mb. Достарыңызбен бөлісу:
|