Устойчивое развитие: язык, межкультурная коммуникация
«Коммуникативті құзыреттілік дегеніміз не?»
жүктеу/скачать 5,1 Mb. Pdf көрінісі
|
COLLECTION of Сonferences XXIV «Akhanov readings» 2021
| «Коммуникативті құзыреттілік дегеніміз не?» деген сұраққа жауап іздеп көрейік.
Коммуникативті құзыреттілік дегеніміз - бір адамның алынған ақпаратты дұрыс түсіндіріп, оны нақты жеткізу және басқалармен қарым-қатынас жасау қабілеті. Коммуникативті тәсіл оқушылардың ағылшын тілінде сөйлеу дағдыларын дамытуға бағытталған. Сонымен қатар, коммуникативті құзыреттілік оқушының шет тілінде сөйлеу қабілетін анықтауға көмектеседі. Қарым-қатынас құзыреттілігі оқушының тыңдау, сөйлеу, оқу және жазу сияқты негізгі дағдыларды игеру қабілетін көздейді. Коммуникативтік дағдылардың негізгі анықтамалары бізге белгілі. Жоғары сынып оқушыларының шетелдік коммуникативтік дағдыларын қалыптастыруда пікірталастың тәсіл ретінде маңызы үлкен десек те болады. Пікірталас - бұл қарым-қатынастың маңызды түрлерінің бірі, даулы мәселелерді шешудің әдісі және білудің ерекше тәсілі. Бұл шындықты анықтау үшін кез-келген даулы немесе шешілмеген мәселені ұжымдық талқылау болып табылады. Пікірталас нәтижесі келіспеушіліксіз жалпы пікір алмасудан тұруы керек. Пікірталас әдістері дегеніміз - оқушылардың ойлау, оқу, мәселелерді шешу, түсіну немесе әдеби бағалауды дамыту мақсатында мұғалім мен оқушылар арасында немесе оқушылар арасында ашық, бірлескен пікір алмасуға арналған түрлі форумдар болып табылады. Қатысушылар бірнеше көзқарастарды ұсынады, басқалардың идеяларына жауап береді және талқыланып отырған мәселені түсіндіру үшін өз идеяларымен бөліседі. Пікірталас шағын топтың немесе бүкіл сыныптың мүшелері арасында болуы мүмкін және мұғалімнің немесе оқушылардың басшылығымен жүргізілуі мүмкін. Олар көбінесе жазбаша мәтінді талқылауды қамтиды, дегенмен пікірталас проблемаға, мәселеге немесе тақырыпқа негізделетін «мәтінге» ие болады. Педагогикалық мақсатта қолданылатын пікірсайыстың басқа терминдері - инструктивті әңгімелер және мазмұнды сұхбаттар. Пікірталастың ерекшеліктері - оқушылардың білімін арттырады, түсіну немесе түсіндіру қабілеттерін дамытады, бір сөзбен айтқанда коммуникативтік дағдыларын қалыптастырады. Басқаша айтқанда, қатысушылардың бір-бірімен пікір алмасып, талданып отырған тақырыпты ашу барысында сөйлеу қабілеттері дамиды және ортаға салынып отырған мәселені шешу барысында оқушылардың бойында «қарым-қатынас құзыреті» пайда болады және одан әрі дами түседі. Әлемдік елдер арасындағы түрлі салалардағы байланыстардың нығаюы, өмірдің барлық салаларында мәдениетаралық байланыстардың қарқынды өсуі шетел тілдерін білуді қажет етеді. Шет тілдерін білу - бұл әлеуметтік кеңістікте сәтті бейімделудің шарттарының бірі, ол әр деңгейдегі әр түрлі елдердің мамандары арасындағы белсенді қарым-қатынасқа ықпал етеді. Қазақстан Республикасының тұңғыш Президенті Н.Ә. Назарбаев ағылшын тілінің әлемдік қоғамдағы ерекше рөлін атап өтіп, ағылшын тілін білу - бұл ғаламдық өмірге жолдама, адамның жетістікке жету принципі деп атап өтті. Ағылшын тілін білу, шетелдік коммуникативтік дағдыларын дамытудың жоғары деңгейі, адамдардың басқа мәдениетті тасымалдаушыларымен байланысқа түсуіне, олармен белсенді қарым-қатынас жасай алуына ықпал етеді. Шетелдік коммуникативтік дағдыларын дамыту – орта мектеп оқушыларына шет тілдерін оқытудың мақсаты болып табылады. Оқушылардың коммуникативті дағдыларын жетілдірудің тиімді құралдарының бірі әр түрлі мәселелерді шешу мақсатында интерактивті сөйлеу әрекеті кезінде ойлармен және идеялармен алмасу болып табылады, бұл өз кезегінде оқушылардың сөйлеуін дамытудың, ойлауды ынталандырудың ең тиімді әдісі болып табылатын белсенділік. Мұны білім беру жағдайында пікірталас арқылы, белгілі бір тақырыпты немесе мәселені талқылау процесінде жасауға болады. жүктеу/скачать 5,1 Mb. Достарыңызбен бөлісу:
|