Sesiň dowamylylygy. Bu – ýüze çykýan yrgyldylaryň sanynyň dowamylylygyna, ýagny seslenmäniň näçe wagt dowam edyänligine baglydyr: yrgyldylar köp, uzak wagt dowam edýän bolsa, ses dowamly, uzyn bolýar, az wagt içinde bolup geçýän bolsa, gysga bolýar. Bu alamat gepleýiş seslerine hem häsiýetlidir. Gepleýiş sesleri–de özleriniň dowamylylygy boýunça özara tapawutlanýarlar. Çekimli sesleriň dowamylylygy – uzynlygy çekimsizleriňkiden has artykdyr. Çekimlileriň hem dowamlysy – uzyny, gysgasy bolýar. Çekimsizler–de dowamylylygy – uzynlygy taýdan birmeňzeş däl. Süýkeş çekimsizler zarplylardan dowamly – uzyn bolýar. Zarply çekimsiz sesleriň hem uzyn we gysga aýdylýanlary bar31. Şeýleleikde, ses yrgyldysy gerts bilen ölçenýär. Sekundyna bir doly yrgyldy bir gerts (gts) bolýar. Ses güýji howa akymynyň ugruna perpendikulýar düşürilip, 1 sekuntdaky 1 sm² meýdança bilen ölçenýär. Sesiň güýjüni ölçeýän birlik – detsibel (db) bolýar. Eşidişiň aşaky çägarasy 0 db bolýan bolsa, ýokary çägarasy 13 db bolýan32 eken.
