1. Бактериялардың морофлогиялық негізгі топтары. Анықтамасы. Мысалдар.
Сфера пішінді -коктар шар тәріздес бактериялар, олар бірін біріне қатысты орналасуы бойынша микрококтар, диплококтар, стрептококтар, тетракоктар, сарциналар және стафилококтар деп бөлінеді.
Таяқша тәріздесбактериялар мөлшері, жасуша пішіні және олардың ұштары, сондай-ақ орналасуы бойынша ерекшеленеді. Таяқшалар дұрыс (ішек таяқшалары) және дұрыс емес(коринебактериялар) пішінді, және бұтақталған (актиномицеттер) түрде бллуы мүмкін. Ең майда таяқша тәріздес бактерияларға риккетсиялар жатады. Таяқша ұштары олар: кесіп тастағандай, жұмырланған, үшкірленген, жуанданған болып келеді. Сәл майысып келген бактерияларды вибриондар деп атаймыз. Таяқша тәріздес бактериялардың көбі ретсіз орналасады, себебі бөлінгеннен кейін жасушалар шашырап кетеді. Патогендік түрлер таяқша тәрізді бактериялардың барлық аталған түрлеріне жатады.
