2-тапсырма. Берілген тұжырымдар бойынша өз ойларыңды ортаға салыңдар

• 
  «Белгілі ғалым М. Қаратаев: «Көркем прозаның жақсы шығармасының қай-қайсысында болғанымен, лирикалық леп пен психологиялық элементтер қатар жүріп, мол орын алатыны белгілі. Ал қазақ прозасында осы екі элемент жетекші сарын ретінде кейінгі жылдары суыртпақтап ене бастады».
  
• 
  «Лиризмнің жемісті бағдар айшықтарын орнымен пайдалана білген қазақ қаламгерлері шығармаларынан лиризм психологизмнің, психологизм лиризмнің ажырамас бөлігі ретінде қызмет атқаратынын аңғаруға болады. Десек те, психологизмнен гөрі лиризм өз болмысымен көрінеді».
  
• 
  «Психологизм – көркем шындық пен өмірдің шынайы бейнесінінің түйісер тұсы, «көркем шығармадағы өмір шындығының кепілі – психология да, соны жеткізу амал-тәсілдерінің жиынтығы немесе идеялық-эстетикалық шығарма феномен – психологизм. Сонымен қатар, кейіпкердің ойы мен іс-әрекетінің кереғарлығы, сана қақтығысынан тұратын ерекше көркемдік жүйе. Психологизм алғашқы көркем туындымен кіндіктес болғанымен, оның әр дәуірдегі көрініс беруі әрқилы».
  

Бағалау. «Табыс баспалдағы»

• 
  тұжырымдар бойынша пікірлерін білдіреді.
  
• 
  шығармадағы үзінді бойынша лиризмді анықтайды;
  
• 
  көркем шығармадағы психологизмді анықтайды;
  

Оқушылар сабақты бекіту мақсатында берілген кестені толтырады.