1 сұрақ.Сала және оның топастырылуы. Өнеркәсіп өзара байланысқан көптеген салалар мен өндірістерден тұрады. Өнеркәсіптің ұлттық шаруашылығының дербес саласы ретінде пайда болуы, оның салалық дефференциациясы – бұл тұрақты процесс және ол қоғамдық еңбектің бөлінуімен шарттастырылған. Қоғамдық еңбектің бөлінуі үш нысанда көрінеді: жалпы, жеке және жеке дара.
1 сұрақ.Сала және оның топастырылуы. Өнеркәсіп өзара байланысқан көптеген салалар мен өндірістерден тұрады. Өнеркәсіптің ұлттық шаруашылығының дербес саласы ретінде пайда болуы, оның салалық дефференциациясы – бұл тұрақты процесс және ол қоғамдық еңбектің бөлінуімен шарттастырылған. Қоғамдық еңбектің бөлінуі үш нысанда көрінеді: жалпы, жеке және жеке дара.
Еңбектің жалпы бөлінісі қоғамдық өндірістің материалдық өндірістің ірі салаларына бөлінуімен анықталады: өнеркәсіп, ауыл шаруашылығы, құрылыс, көлік және т.б.
Еңбектің жеке бөлінісі өнеркәсіптің, ауыл шаруашылығының, көлік және материалдық өндірістің басқа да салаларының ішінде жекеленген салалар мен өндірістердің оқшаулануымен анықталады.
Еңбектің жеке дара бөлінісі тікелей кәсіпорындағы еңбекті бөлу мен ұйымдастыруда өз көрінісін табады.
Өнеркәсіптің бір саласын екіншісінен ажыратудың негізгі белгілері: өндірілетін өнімнің экономикалық тағайындалуы, қолданылатын материалдардың сипаты, өндірістің техникалық базасы мен технологиялық процессі, кадрлардың мамандық құрамы. Осы белгілер бойынша жеке өндірістер де ажыратылады.
Өнеркәсіп саласы – өндірілетін өнімдерінің бірыңғай экономикалық тағайындалуымен, біртекті материалдар қолданумен, техникалық база мен технологиялық процестердің ортақтылығымен, кадрлардың ерекше мамандық құрамымен, жұмыстардың ерекше шарттарымен сипатталатын кәсіпорындар жиынтығы.
