8. 1921 жылы күзде «бұрынғы алашордашылардың контрреволюциялық ұйымының анықталғаны» жайлы хабарлар жайылды [2, 46б].
9. 1917 жылы 17 наурызда Ташкентте Шура-ислами (араб тілінен аударғанда «Ислам кеңесі») партиясы құрылды [2, 47б].
10. 1918 жылдың басында Түркістан Халық Комиссарлар кеңесі мен жергілікті кеңестер «Шура-ислами» партиясын Кеңес өкіметіне қарсы әрекеттері үшін таратып жіберді [2, 48б].
11. 1917 жылы 24 қазанда (6 қарашада) Петроградта қарулы көтеріліс басталды. Келесі күні көтерілісші жұмысшылар, солдаттар мен матростар астананың маңызды нысандарын басып алды. 25 қазан (7 қараша) күні таңертең қарулы төңкеріс жасалып, Әскери-революциялық Комитет Уақытша үкіметтің құлатылғанын жариялады [2, 55б].
12. 1917 жылы 2 қарашада «Ресей халықтары құқықтарының Декларациясы» жарияланып, онда ашық мәтінмен «Ресей халықтарының бөлініп, дербес мемлекет құруына дейінгі ерікті өзін-өзі билеу құқығы» танылатыны жазылды [2, 56б].
