Әдебиет - сөз өнері, ол білім алушыларға көркем сөздің сыры мен қасиетін, сазы мен сағынышын жеткізетін, қиял әлеміне шарықтататын, ойлылыққа, шешендікке, көсемдікке тәрбиелеп баулитын пән. Қазақ әдебиеті пәні «Қазақ тілі», «Тарих», «Орыс әдебиеті», «География», «Биология» пәндерімен байланыстыра отырып оқыту, тарихқа, өнерге, әдебиетке қызығушылық танытуға, мәдени-эстетикалық деңгейін көтеруге ықпал жасайды.
Кіріспе:
Бұл бағдарлама қазақ әдебиеті пәні бойынша «Мейіргер ісі» мамандығының 1-курс студенттеріне арналып жасалған. Осы оқу бағдарламасы қосымшада берілген жалпы орта білім беру деңгейінің (жаратылыстану-математикалық бағыттағы, қоғамдықгуманитарлық бағыттағы) 10-11-сыныптарына арналған «Қазақ әдебиеті» оқу пәнінен жаңартылған мазмұндағы үлгілік оқу бағдарламасының ұзақ мерзімді жоспарына сәйкес жүзеге асырылады. Қазіргі қазақ әдебиеті өкілдерімен, олардың шығармаларымен таныстырып қана қоймай, олар жөнінде зерттеулер мен ой-пікірлердің тарихын саралай отырып, ақын-жазушы шеберлігін танытатын шығармалардың әдеби көркемдігі мен құрылысына тереңдеп үңілу.
Пәннің/модульдің саясаты:
-Білім алушылар сабақты талқылауға қатысып, жеке және топтық тапсырмаларды орындап, басқа ресурстарды да зерттеуі керек.
-Білім алушылар тапсырманың соңғы орындау мерзімін қадағалап отыруы керек.
-Білім алушылар сабақтың барлық түрін себепсіз жіберіп алуға болмайды.
Пәнді оқу мақсаты:
білім алушыларды креативті ойлауға бағыттау. Олардың ойларын ауызша еркін жеткізуіне және жаза білуіне қолдау көрсету, дәлелдер келтіру, салыстыру және анализ жасау, бағалау дағдыларын қалыптастыру. Білім алушылар әдеби жанрларға эксперимент жасау арқылы драмалық шығарманы проза тілімен, прозаны поэзия тілімен жазу тәсілдерін меңгере алады.
Пәнді оқу міндеттері:
«Қазақ әдебиеті» оқу пәнін оқытудың негізгі міндеттері: 1.Білім алушылардың сауаттылығын, олардың әдеби және эстетикалық талғамдары мен сезімдерін дамыту, ойлау қабілеттері мен танымдық және коммуникативтік дағдыларын қалыптастыру;
2.Мәдениетаралық қарым-қатынастағы рөлін, қазақ халқының қалыптасқан тарихын әдебиеттің ғасырлар бойы жасаған өнердің бір түрі, тіл өнері арқылы бағалауды жетілдіру;
3.Қазақ әдебиетінің құндылық ретіндегі болмысын, ұлттық мәдениеттегі маңызды орнын құрметтеуге баулу, бағалау;
4.Заманауи, ғылыми және қоғамдық дамуға сәйкес жазба және ауызекі сөйлеу дағдыларын дамыту және дүниетанымын жетілдіру.
