Би-шешендер даулы мәселені түйінді төрт-ақ ауыз сөзбен шешіп отырған. Шешкенде де хатсыз, харарсыз, ауызша жүзеге асып, бітіп жатқан. Ертедегі бір бидің өзі де осы күнгі соттың да, прокурордың да, милицияның да, ұйым басшыларының да қызметін атқарған.
Үздіксіз әскери қақтығыстар мен ұдайы әскери қауіп жылдары болып есептелетін қазақ-жоңғар қатынастарының кезеңі XVII-XVIII ғасырларда әскери және саяси өмірде батырлар тобының көптеген пайда болуына әкеп соқты. Бұ кезеңді зерттеушілер батырлар институтының аса бір гүлденген шағы, батырлар дәуірі деп жазылып жүр.
