«Білім беру және педагогикалық ойлардың тарихы» пәнінен тәжірибелік жұмыстар жиынтығы
Алматы 2019
1-тақырып. Педагогика тарихы пәні және міндеттері Сұрақтар: Педагогикалық ойлардың даму тарихы пәні, міндеттері
Педагогика тарихы өзге ғылымдар жүйесінде алатын орны және методологиялық негіздері.
Педагогика тарихының зерттеу әдістері.
Тапсырма: Жалпы орындалған практикалық жұмыстың жағдай шарттарын және мәліметтерін басқа пәндермен байланысы, әдіснамалық негіздері және зерттеу әдістерін талқылап, кестеге енгізіп, қорытынды жазыңыздар.
Жұмыстың мақсаты: Студенттерде педагогика тарихын ғылым ретіндегі қалыптасуы, мәні мен міндеттері және педагогика тарихының әдіснамалық негіздері туралы түсініктерін қалыптастыру
Негізгі теориялық қағидалар Педагогикалық ойлардың даму тарихы пәні, міндеттері Педагогика тарихы көне заманнан бүгінге днйінгі түрлі тарихи кезеңдердегі тәрбие мектеп және педагогикалық теориялардың дамуын зерттейді. Ол тәрбиенің дамуын қоғамдық құбылыс ретінде қарастыратын және педагогикалық теориялардың білім беру тәжірибесіндегі көрініс табуын қарастыратын педагогикалық білімдердің ерекше саласы.
Педагогика тарихы өзге ғылымдар жүйесінде алатын орны және методологиялық негіздері. Тәрбие мен білім беру зерттеуде алдымен педагогика тарихының өзге ғылымдар жүйесінде алатын орнын және методологиялық негіздерін түсіну аса маңызды. Педагогика тарихы тәрбие мен оқыту теориясын сондай – ақ практикасының дамуын педагогтың және мектептің проблемаларын өзара байланыста зерттейді. Ол жалпы педагогика және мектептану, оқыту методикасы мен тығыз байланысады. Сондай – ақ өз зерттеулерінің нәтижеслерін салыстырмалы педагогика, этнопедагогика, педагогикалық антропология салаларына қолдануға мүмкіндік береді. Тарихи педагогикалық зерттеулер методологиясы ғылымда бірнеше рет көтерілді. 1930 жылы, 1960-80жылдары және соңғы жылдары қайта көтерілуде.
