БӨЛІМ Уақыт ЖӘНЕ ОНы өлшеу
Біз бірінші бөлімде астрономияда нүктенің кеңістіктегі орнын анықтауда қолданылатын координат жүйелерін қарастырғанбыз (горизонталды, 1-ші және 2-ші экваторлық, эклиптикалық, галактикалық). Бірақ та табиғатта тұрақты ешнәрсе жоқ, сондықтан біздің ол туралы ойымызды толықтыру үшін уақыт жайындағы түсінігімізді қалыптастыруымыз керек. Уақыттың физикалық және философиялық болмысына тоқталмай, оны өлшеудің әдістерін қарастырайық.
Ең алдымен, уақытты өлшеу үшін периодты түрде қайталанып отыратын процесс немесе құбылыс керек. Табиғатта мынадай үш құбылысты үнемі бақылаймыз, олар: күн мен түннің ауысуы, Ай фазасының ауысуы және жыл мезгілдерінің ауысуы. Осы құбылыстардың қайталануында уақыт бірлігінің негізгі үш өлшемі кіреді – тәулік, синодтық ай және жыл. Енді осыларды толығырақ қарастырайық.
Достарыңызбен бөлісу: |
