М. М. Бахтин көркем туындыны қабылдаушы үшін ең маңыздысы оның туындыгерінің "тұлғасының шығармашылық тініне жетіп, тереңдей ену"
жүктеу/скачать 24,85 Kb.
|
- Бұл бет үшін навигация:
- М.М. Бахтин
- Ш.О. Сент-Бёв
- В.А. Жуковский.
- Көбіне көркем субъективтілік пен жазушының өмірлік іс-әрекеті мен күнделікті тірлігі арасындағы байыпты алшақтық пен сәйкеспеушілік орын алады.
- «жауапкершілік»
|
Өмірдегі автор және шығармадан танылатын суреткер Көркем субъективтіліктің қырлары, әсіресе, XIX-XX ғғ. өнеріндегілері сан алуан болып келеді де, автор образын тұтас адам, тұлға сипатында түзеді. Н.В. Станкевичтің пікірінше, өнердегі мәңгілік және тынымсыз ақындар мен философ-романтиктер "тұтас, индивидуалды өмірдің" автор тұлғасының әлеуеті болып табылады. Өнер туындысына осы тақлеттес тамаша анықтаманы "адамзат құжаттары" (Т. Манн) және М.М. Бахтин көркем туындыны қабылдаушы үшін ең маңыздысы оның туындыгерінің "тұлғасының шығармашылық тініне жетіп, тереңдей ену" деп береді. Жазушының шығармашылығы мен оның тұлғасы және тағдыры арасындағы байланысқа биографиялық әдістің жақтаушылары шешуші мән беріп, ең алғаш француз сыншысы, қомақты еңбек болып табылатын "Әдеби-сыни портреттердің" (1836-1839) авторы Ш.О. Сент-Бёв тарапынан қолданыс тапты. Қаламгердің іс-әрекеті белгілі бір мөлшерде туынды бойында өз санасын, әлбетте, өзінің ғұмырнамалық тәжірибесін, өмірдегі іс-әрекетіне ненің түрткі болғанын «айшықтайды». Г.О. Винокурша:"Поэзияның стилистикалық формасының мәні, бір мезетте жеке өмірдің стилистикалық формасы" ақынның тап өзі болып табылады. Осы тәрізді ойларды жазушылар мен ақындар талай мәрте айтты. "Өмір мен поэзия – біртұтас", -деп тұжырымдайды В.А. Жуковский. Бірақ та, бұл формула нақтылай түсуді қажет етеді. Туындыдағы автор бейнесі өмірдегі автор кейпімен дәлме-дәл келмейді. Мысалға, А.А. Фет өз өлеңдерінде өзінің күнделікті өмірдегі байбатшалық кейпін емес, өз дербестігінің өзге тұстарын айшықтады. Көбіне көркем субъективтілік пен жазушының өмірлік іс-әрекеті мен күнделікті тірлігі арасындағы байыпты алшақтық пен сәйкеспеушілік орын алады. Қаламгер келбеті мен оның өмірі кейбірде замандастары мен ұрпақтары тарапынан зер сала қызығып, қастерлейтін тақырып болып табылып, дербес маңызды мәдени құндылыққа айналады. Бұл арада гуманитарлық аяда орныққан «жауапкершілік» терминін еске алуға тиіспіз. Суреткер жауапкершілігі екі жақты: біріншіден, өнер алдында, екіншіден, өмір алдында. Осы жауапкершілік пайымдаушы-моралдық лауазымдылық емес, көркем тақырыптар мен мәндерді, сөз, дыбыс түзілімдері сияқты шығармашылық концепциялардың маңыздылығын айқын да, бекем сезіне білу. Автор көркемдіктен тысқары болмысқа тікелей қатысты болып, оған өзінің туындыларымен ат салысады. Біздіңше, шынайы автордың өзінің көркемдік іс- әрекетіне қатыстылығының ең оңдымды да, дұрысты нұсқасы тап сондай. "Өмірілік жағдайға" автордың қатыстылығы оның жауапкершілік аясын құрайды да, болашақ дербес тұлға ретінде өзі де қарапайым пенделер сияқты социмуның белгілі бір тобының өкілі болып табылады. Ол оның көркем іс- әрекетінде өзіндік таңбасын қалдырады. Сондықтан, әдеттегі оқырман үшін де, кәсіби әдебиетші үшін де қалмагер жататын буын (толқын), мұрагерлікпен ұстанған дәстүр, оның ұлттық өмірге, белгілі бір әлеуметтік тапқа немесе топқа (үйірме, салон, партия), қоғамдық ойдың белгілі бір ағымына, шағын ортаға (тәрбиелену жағдайы, отбасы-ошақ қасы) т.б. қатыстылығы маңызды болып табылады. жүктеу/скачать 24,85 Kb. Достарыңызбен бөлісу:
|