Отаным-бақыт ордасы

Жазық қырлы, нулы, сулы, бақуатты ғажапстан

Күллі Азия көз тігетін, таңданатын жұмағым,

Әр қырыңды білсем дағы, қанбақ емес құмарым

Өр намыс пен өткір лебіз толтырады қанымды

Рухы биік, ұлты мықты, халқы тату- бірлікте,

Мақта теріп, егін егіп жұмыла қылар тірлікті.

Жүгерінің биіктігі даңғарадай бес елі.

Сырдың бойы алтындайын астыққа бай киелі

Әр қазаққа қайырлы өнім пейілге сай тиеді

Еліктеген ертеңгі ұрпақ, жалғасатын жас бауы.

Батырлары жанын тіккен азаттықтың жолына,

Бостандықтың боз таңы атты қазағымның бағына.

Керей, Қасым,Тәуекел,Тәуке, Абылай

Басты қосқан, жауды тосқан, қолға қылыш алып -ай,

Кенесары, Исатай, Сырым, Саржан, Махамбет,

Көтеріліс ашқандар "Елді неге сатам?" деп.

"Қазақ" деген ат әперген Сәкен атам нар еді.

Әліпбиді құрастырған Байтұрсынның ұлы Ахмет,

Алаш ардақтыларына жас буыннан мың рахмет!

Сол қазағым соғыста да Раббысына жүгінді.

Діні, тілі, әдет-ғұрпы, салт-санасы жарасқан,

Ұлы еліммен, ешбір ел де бой көтере таласпан.

Тәуелсіздік, бірлік, байлық- осы орданың олжасы.

Қырандайын көкте самғап, еркіндікке шомылған,

Рухы биік елімнің мәңгі тәңірі болсын жолдасы!