Тірек-қимыл аппараты зақымданған балалар «Тірек-қимыл аппараты қызметінің бұзылуы»
жүктеу/скачать 18,25 Kb.
|
|
Тірек-қимыл аппараты зақымданған балалар «Тірек-қимыл аппараты қызметінің бұзылуы» деген ұғымға әр түрлі себептерден пайда болған және әр түрде көрініс беретін қимыл-қозғалыс бұзылулары енеді. Тірек-қимыл аппараты патологиясының келесі түрлері ажыратылады: Жүйке жүйесінің аурулары: полиомиелит; Тірек-қимыл аппаратының туа біткен патологиясы: туа біткен жамбастың шығуы; қисық мойындық; маймақ аяқтық; табан деформациялары; омыртқа дамуының кемістіктері; аяқ-қолдардың кеміс дамуы, артрогрипоз (дене бітімінің бұзылуы). Мидың, жұлынның және аяқ-қолдың аурулары мен зақымданулары: полиартрит; жұлынның және мидың жарақаттануы; қаңқа аурулары (туберкулез, остеомиелит); сүйек ісіктері; қаңқаның жүйелі аурулары (хондродистрофия, рахит). Бұл балалардың көпшілігінде тірек-қимыл аппаратының бұзылуымен бірге екінші кемістіктер жиі кездеседі. Мұның клиникалық көрінісі – қозғалыс кемістігі (жетілмеу, зақымдану, дамудағы тежелу т.б.). Қимыл-қозғалыс функциясының зақымдану дәрежесіне қарай және қимыл-қозғалыс дағдыларының қалыптасу деңгейіне қарай бұл категориядағы балар үш топқа бөлініп қарастырылады: қимыл-қозғалыс қызметінде ауыр бұзылулары бар балалар: олардың кейбіреулерінде түзу тұру мен жүру, ұстау, өзіне-өзі қызмет ету дағдылары қалыптаспаған; енді біреулері ортопедиялық жабдықтардың көмегімен әзер қозғалады, өзіне-өзі қызмет ету дағдысы жартылай ғана қалыптасады; орташа дәрежедегі қимыл-қозғалыс бұзылулары бар балалар (сан жағынан ең көбі): балалардың басым көпшілігі өздіктерімен шағын аралықта жүре алады, бірақ тез емес өзіне - өзі қызмет ету дағдылары қалыптасқан; жеңіл дәрежедегі қимыл-қозғалыс бұзылулары балалар: олар бөлмеде де, көшеде де өздіктерімен жүре алады, өзіне-өзі қызмет ету дағдылары қалыптасқан, бірақ патологиялық күйлер, жүрістің бұзылуы, ауыр қимылдау сияқты көріністер кездеседі; Тірек-қимыл аппараты зақымданған балалардың 89% БЦСА бар балалар құрайды. БЦСА – балалардың церебральды сал ауруы, бұл жүйке жүйесінің ауыр науқасы. БЦСА – мидың қозғалыс жүйесінің зақым-дануынан пайда болатын және бұлшық ет қызметіне орталық жүйке жүйесі тарапынан бақылаудың болмауымен немесе жеткіліксіз бақылануымен көрініс беретін қимыл-қозғалыстар бұзылуының бір тобы. жүктеу/скачать 18,25 Kb. Достарыңызбен бөлісу:
|