АХМЕТ БАЙТҰРСЫНҰЛЫ ШЫҒАРМАЛАРЫНДАҒЫ

8

Білімдіден не пайда білгенін көпке айтпаса, 
үйреткеннен не пайда қайырымы қайтпаса. 

Балаларға көп үйретем деп, асығып шала-шарпы 
үйретуден, аз да болса, анықтап нық үйрету абзал. 

Бала бастауыш мектепте бар пəнді тек ана тілінде 
ғана оқуы керек. 

Білім – бір құрал. Білімі көп адам құралы сай ұста 
сықылды, не істесе де келістіріп істейді. 

Сөз жазатын адам əрі жазушы, əрі сыншы болуы 
керек. 

Жастардың оқу-тəрбие жұмысы түзелмей, жұрт ісі 
түзелмейді. 

Қандай 
сəулетті 
сарайлар 
болсын, 
қандай 
сымбатты, я кескінді суреттер болсын, қандай əдемі 
əн-күй болсын, сөзбен сөйлеп суреттеп көрсетуге, 
таныстыруға болады. Бұл өзге өнердің қолынан 
келмейді. 

Біз əуелі елді түзетуді бала оқыту ісін түзетуден 
бастауымыз керек. 

Жақсы əліпби тілге шақ болу керек. Өлшенбей 
тігілген о жер бұ жер бойға жуыспай, қолбырап, 
солбырап, тұрған кең киім сияқты артық əріптері 

9
көп əліпби де қолайсыз. Бойыңды қысып, тəніңді 
құрыстырып тырыстырып тұрған тар киім сияқты 
əрпі кем əліпби қолайсыз болады. 

Тіл білімі ереже жаттату түрде үйретілмей, сөздің 
тұлға, мағына, қисын жағын тану түрде үйрету 
керек. Сөздің тұлға, мағына жағын тануға керегі 
жоқ нəрселер тіл білімінің сабағына кірмеске тиіс. 

Əліп-би деген – тілдің негізгі дыбыстарына 
арналған таңбалардың жұмағы. Неғұрлым тіл 
дыбыстарына мол жетсе, арнаған дыбысқа дəл 
келсе, оқуға, жазуға жеңіл болса, үйретуге оңай 
болса, заманындағы өнер құралдарына орнатуға 
қолайлы болса, соғұрлым əліп-би жақсы болмақшы. 

Тілдің міндеті – ақылдың аңдауын аңдaғанынша, 
қиялдың меңзеуін меңзегенінше, көңілдің түйін 
түйгенінше айтуға жарау. 

Тіл – адамның адамдық белгісінің зоры, жұмсайтын 
қаруының бірі. 

Оқу құралының ең ұлығы – бала оқытатұғын кітап. 

Өз тілімен сөйлескен, өз тілімен жазған жұрттың 
ұлттығы еш уақытта адамы құрымай жоғалмайды. 

Адамға тіл, құлақ қандай керек болса... білім де 
сондай керек. 

10

жүктеу/скачать 0,65 Mb.

Достарыңызбен бөлісу: